ஹிஸ்பிய்யா (இயக்கம்) தொடர்பான தொடர் கட்டுரை பகுதி - 1

✍✍ தொகுப்பு: மெளலவி அப்துஸ்ஸமது அல்தாஃபி ✍✍

السَّلَامُ عَلَيْكُمْ وَرَحْمَةُ ٱللَّٰهِ وَبَرَكَاتُهُ

அன்பிற்கினிய சகோதரர்களே அல்லாஹ்வின் சாந்தியும் சமாதானமும் உங்கள் மீது உண்டாகட்டுமாக ! ஆமீன்.

சமகாலத்தில் இஸ்லாமிய மக்களிடத்தில் பல மார்க்க விஷயங்களில் விழிப்புணர்வு அடைந்து வருகிறார்கள். (அல்ஹம்துலில்லாஹ்)

ஆனால் நம் மக்கள் மிக முக்கியமானவைகளில் விழிப்புணர்வு அடைய வேண்டும் குறிப்பாக இஸ்லாமிய இயக்கங்கள் பற்றிய புரிதல்களை குர்ஆன், ஸுன்னா ஒளியில் முன்சென்ற ஸலஃப் அறிஞர்களின் வழிகாட்டுதலில் புரிந்து கொண்டால் மட்டுமே நமது ஈமான் பாதுகாப்படையும்.

அந்த அடிப்படையில் பெரும்பாலான ஸஹாபாக்கள், மற்றும் அஹ்லுஸ்ஸுன்னாஹ் அறிஞர்கள் இஸ்லாத்தில் இயக்கம் என்கின்ற கட்டமைப்பு ஒன்று இல்லையென்றும், அதில் பயணிப்பது அனுமதிக்கப்படவில்லை என்பதையும் தங்களது நூல்களில் விளக்கியுள்ளார்கள்.

பெரும்பாலான மக்களுக்கு மத்தியில் இஸ்லாமிய இயக்கம் அமைத்து நற்பணிகளை செய்வது மார்க்கத்தில் நன்மையை ஈட்டி தரக்கூடிய செயலாக பார்க்கப்படுகிறது. ஆனால் அதற்கு மார்க்கத்தில் எந்த ஆதாரப்பூர்வமான வழிகாட்டுதல் இல்லை என்பதை மறுமை நலன் நாடக்கூடிய நாம் புரிந்து கொள்ளவேண்டும்.

பொது மக்களுக்கு மத்தியிலுள்ள தவ்ஹீத் என்ற பெயரை சுமந்த அமைப்புகள் (TNTJ, YMJ, JAQH) போன்ற இயக்கத்தினர்கள் தங்கள் மார்க்க வழிகாட்டுதலுக்கு எதிராக செயல்படுவதையும்.

இவற்றிலிருந்து மக்கள் விலகியிருப்பது பற்றியும் அஸ்லுஸ்ஸுன்னா அறிஞர்கள் வழிகாட்டி தந்துள்ளதை இந்த தொடர் கட்டுரையில் அறிந்து கொள்ள முடியும்.

(தொடர் கட்டுரை - பகுதி 1)

ஹிஸ்பியத் (இயக்கம்) விளக்கமும் வரைவிலக்கிணமும்

تعريف الحزبية:

قوله تعالى: مِنَ الَّذِيْنَ فَرَّقُوْا دِيْنَهُمْ وَكَانُوْا شِيَعًا ‌ كُلُّ حِزْبٍ بِمَا لَدَيْهِمْ فَرِحُوْنَ‏.

தங்கள் மார்க்கத்தை (பலவாறாக)ப் பிரிந்து, (பல) பிரிவினர்களாக ஆகிவிட்டார்களே, அவர்களில் ஒருவராக (முஸ்லிம்களாகிய நீங்கள் ஆகிவிட வேண்டாம் அவ்வாறு பிரிந்த) ஒவ்வொரு பிரிவினரும் தங்களிடமுள்ள (தவறான)தைக் கொண்டு சந்தோஷப்படுபவர்களாக இருக்கின்றனர்.

(அல்குர்ஆன் : 30:32)

நபி ஸல்லல்லாஹு அலைஹி வஸல்லம் அவர்கள் கூறினாா்கள்:

وَإِنَّ أُمَّتِيِ سَتَفْتَرِقُ عَلَى ثَلاَثٍ وَسَبْعِيْنَ مِلَّةً، كُلُّهَا فِي النَّار إِلاَّ مِلَّةٍ وَاحِدَة: قِيْلَ مَنْ هِيَ يَا رَسُولَ اللهِ قَالَ: مَا أَنَا عَلَيْهِ اليَوْمَ وَأَصْحَابِي.

كتاب الشريعة للآجري.

எனது உம்மத் (சமுதாயம்) 73 கூட்டங்களாகப் பிரியும். அவை அனைத்தும் நரகம் செல்லும். ஒரு கூட்டத்தை தவிர. அல்லாஹ்வின் தூதரே அவர்கள் யார்? என்று கேட்கப்பட்டபோது,

அக்கேள்விக்கு நபி (ஸல்லல்லாஹு அலைஹி வஸல்லம்) அவர்கள் கூறிய பதில் நமக்கு நேர்வழியின் அடிப்படையை எடுத்துக் காட்டுகிறது. அல்லாஹ்வின் தூதர் நபி(ஸல்லல்லாஹு அலைஹி வஸல்லம்) அவர்கள் பின்வருமாறு பதில் சொன்னர்கள்,

"இன்று நானும் எனது தோழர்களும் எதன் மீதிருக்கின்றோமோ அதில் இருப்பவர்கள்."

அறிவிப்பவர் : அப்துல்லாஹ் பின் அம்ர் (ரலி)

(கிதாப்: அஷ் ஷரீஆ இமாம் அல் ஆஜுர்ரி

அஷ்-ஷேக் ரபீஃ இப்னுல் ஹாதிய் அல் மத்கஃலிய் (ஹஃபிழஹுல்லாஹ்) அவர்கள் கூறுகின்றார்கள்:

قال الشيخ ربيع بن الهادي المدخلي حفظه الله : كل من خالف منهج النبي وسنته فهو من أحزاب الضلال، والحزبية ليس لها شروط.

رفع الستار للشيخ ربيع الهادي المدخلي.

"ஹிஸ்பியத் (இயக்கம்) என்பது அல்லாஹ்வின் தூதர் (ஸல்) அவர்களின் வழிமுறை மற்றும் அவர்களின் நடைமுறைக்கு மாற்றமானதாகும். இது போன்ற கூட்டங்கள் வழிகெட்டதாகும். மேலும் அதில் (இம்மை, மறுமையில் வெற்றி பெறுவதற்கு) எந்த வழிகாட்டுதலும் அதில் இல்லை."

அஷ்-ஷேக் முக்பில் இப்னு ஹாதிய் அல் வாதிஃ (ரஹிமஹுல்லாஹ்) அவர்கள் கூறினார்கள்:

وقال الشيخ مقبل بن هادي الوادع رحمه الله: الحزبية هي الكذب والخداع.

من شريط أسئلة أهل الريدة الشرقية.

"ஹிஸ்பியத் (இயக்கம்) என்பது அதில் பொய்யும் (பிறரை) ஏமாற்றுவதும் ஆகும்."

இமாம் இப்னு உசைமீன் (ரஹிமஹுல்லாஹ்) அவர்கள் கூறியுள்ளார்கள்:

قال بن عثيمين رحمه الله: أما الجماعة الحزبية التي لا تريد إلا انتصار رأيها، سواء كان بحق أم بباطل، فإنه لا يجوز الانتماء إليها.

فتاوى نور على الدرب : شريط 186.

ஜமாஅத்துல் ஹிஸ்பிய்யா (இயக்க கூட்டமைப்பு) என்பது அதில் (சத்தியத்திற்கு இடமில்லாத) இயக்க கருத்து மட்டுமே நிலைபெற்றிருக்க வேண்டும் என விரும்புகின்றனர். அவை சரியோ அல்லது பிழையோ அதைப்பற்றிய கவலை அங்கு ஏற்படுவதில்லை, எனவே அதனுடன் சேர்ந்து பயணிப்பது (ஒரு முஸ்லிமுக்கு) அனுமதிக்கப்படாதவையாகும்.

அஷ்-ஷேக் அஹ்மது இப்னு யஹ்யா நஜ்மிய் (ரஹிமஹுல்லாஹ்) அவர்கள் கூறியுள்ளார்கள்:

قال الشيخ احمد بن يحىي النجمي رحمه الله: الحزبية هي بدعة بنفسها فمن رضي بها وسار في ركابها وناصر أصحابها فهو مبتدع.

الدرر النجمية: 332.

ஹிஸ்பியத் (இயக்கம்) என்பது மார்க்கத்தில் பித்அத் ஆகும். யார் அதன் கருத்துக்களை ஏற்று பயணிப்பாரோ, இன்னும் யார் அதற்க்கு உதவிகளை செய்வாரோ அவரும் பித்அத்வாதியாக கருதப்படுவார்.

அஷ்-ஷேக் நாஸிருத்தீன் அல்பானி (ரஹிமஹுல்லாஹ்) அவர்கள் கூறினார்கள்:

قال الشيخ ناصر الدين الألباني رحمه الله: أن الحزبية في الإسلام هي بدعة ضلالة.

سلسلة الهدى والنور : ٤٠٠.

நிச்சயமாக ஹிஸ்பியத் (இயக்கம்) என்பது மார்க்கத்தில் நூதனமான வழிகேடாகும்.

தொடரும்...

ஹிஸ்பிய்யா (இயக்கம்) தொடர் கட்டுரை