நோன்பை நோற்காமல் ஃபித்யா (பரிகாரம்) கொடுக்க வேண்டியவர்கள் யார் ?

அஷ்-ஷெய்க் யஹ்யா ஸில்மி ஹஃபிழஹுல்லாஹ்

الحمدلله رب العالمين والصلاة والسلام على من لا نبي بعده أما بعد

பால் கொடுக்கும் தாய்மார்கள், கர்பிணிப் பெண்கள், வயோதிகர்கள், ரமலானுடைய நோன்பை நோற்பது அவர்களுக்கு கடமையல்ல அதற்கு பரிகாரம் (ஃபித்யா) கொடுப்பது தான் கடமையாகும்.

وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِين

(எவர்களெல்லாம் நோன்பு நோற்பதற்கு) சக்தி பெற்றவர்கள் அவர்கள் ஓர் மிஸ்கீனுக்கு உணவளிப்பது பரிகாரமாகும்.(2:184)

ஆரம்பத்தில் அல்லாஹ் (سُبْحَانَهُ وَتَعَالَى) நோன்பை கடமையாக்கிய பொழுது நோன்பை நோற்பதற்கு சக்தி பெற்றவர்களோ, சக்தி பெறாதவர்களோ நோன்பை நோற்கவில்லை என்றால் மிஸ்கீனுக்கு உணவு கொடுப்பது கடமையாக இருந்தது. அதற்கு பிறகு அல்லாஹ் (سُبْحَانَهُ وَتَعَالَى) பின்வரும் சட்டத்தை இறக்கினான்.

فَمَنْ شَهِدَ مِنْكُمُ الشَّهْرَ فَلْيَصُمْهُ ۖ

யார் இந்த மாதத்தை சாட்சி பெற்றுக்கொண்டாரோ நோன்பை நோற்கட்டும். (2:185)

இந்த சட்டம் இறக்கப்பட்ட பின் வயோதிகர்கள், கர்ப்பிணிப் பெண்கள், பால் கொடுக்கும் தாய்மார்கள் ஆகியோருக்கு மட்டும் ஃபித்யா கொடுக்கும் சட்டம் மாற்றப் படவில்லை. இவர்களைத் தவிர மற்ற அனைவருக்கும் ஃபித்யாவின் சட்டம் மாற்றப் பட்டது. அப்துல்லாஹ் இப்னு அப்பாஸ் (رَضِيَ ٱللَّٰهُ عَنْهُ) அவர்களின் அறிவிப்பின் மூலமாக நாம் இதனை தெளிவாக அறிந்து கொள்ள முடியும்.

حَدَّثَنِي إِسْحَاقُ، أَخْبَرَنَا رَوْحٌ، حَدَّثَنَا زَكَرِيَّاءُ بْنُ إِسْحَاقَ، حَدَّثَنَا عَمْرُو بْنُ دِينَارٍ، عَنْ عَطَاءٍ، سَمِعَ ابْنَ عَبَّاسٍ، يَقْرَأُ ‏{‏وَعَلَى الَّذِينَ يُطَوَّقُونَهُ فِدْيَةٌ طَعَامُ مِسْكِينٍ ‏}‏‏.‏ قَالَ ابْنُ عَبَّاسٍ لَيْسَتْ بِمَنْسُوخَةٍ، هُوَ الشَّيْخُ الْكَبِيرُ وَالْمَرْأَةُ الْكَبِيرَةُ لاَ يَسْتَطِيعَانِ أَنْ يَصُومَا، فَلْيُطْعِمَانِ مَكَانَ كُلِّ يَوْمٍ مِسْكِينًا‏.

அதா இப்னு அபி ரபாஹ் (رَحِمَهُ ٱللَّٰهُ) அவர்கள் கூறுகிறார்கள்:

நான் இப்னு அப்பாஸ் (رَضِيَ ٱللَّٰهُ عَنْهُ) அவர்களிடம் இருந்து செவிமடுத்தேன்.

‘இன்னும் நோன்பு நோற்க சக்தியில்லாமல் சிரமப்படுவோர் மீது ஒரு ஏழைக்கு உணவளிப்பது பரிகாரமாகும்’(2:184)

இந்த வசனத்தை ஒதிவிட்டு இந்த சட்டம் மாற்றப்பட்ட வசனம் அல்ல; நோன்பு நோற்பதற்கு இயலாத ஆண், பெண் தள்ளாத வயோதிகர்கள் ஒவ்வொரு நாளுக்கு பகரமாக ஒரு மிஸ்கீனுக்கு உணவளிக்க வேண்டும் என்று சொன்னார்கள்.

من طرق عن سعيد بن أبي عروبة عن قتادة عن عزرة عن سعيد بن جبير عن ابن عباس قال : ( رخص للشيخ الكبير والعجوز الكبيرة في ذلك وهما يطيقان الصوم أن يفطرا إن شاءا ويطعما كل يوم مسكينا ولا قضاء عليهما

ஆண், பெண் வயோதிகர்கள் சக்தி பெற்றிருந்தால் நோன்பை நோற்கலாம், ( நோன்பு நோற்பது சிரமமாக இருந்தால் ) நாடினால் நோன்பை நோற்காமலும் விடலாம். அதற்கு (பரிகாரமாக) ஒவ்வொரு நாளும் மிஸ்கீன்ளுக்கு உணவளிக்க வேண்டும். விட்ட நோன்பை திரும்ப நோற்பது கடமையல்ல.

من طرق عن سعيد بن أبي عروبة عن قتادة عن عزرة عن سعيد بن جبير عن ابن عباس قال : وثبت للشيخ الكبير والعجوز الكبيرة لذا كانا لا يطيقان الصوم والحبلى والمرضع إذا خافتا أفطرتا وأطعمتا كل يوم مسكينا ) . ورواه أبو داود

ஆண், பெண் வயோதிகர்கள் நோன்பு நோற்பதற்கு இயலாதவர்களாக இருந்தாலும்; கர்ப்பிணிப் பெண்களும், பால் கொடுக்கும் தாய்மார்களும் (நோன்பு நோற்பதற்கு சக்தி பெறமாட்டார்கள்) என்று பயந்தாலும் நோன்பை விட்டுவிடலாம். அதற்கு (பரிகாரமாக) ஒவ்வொரு நாளும் ஒரு மிஸ்கீனுக்கு உணவளிக்க வேண்டும். (சுனன் அபுதாவூத்)

இவ்வாறு தான் நபி (صَلَّى اللّٰهُ عَلَيْهِ وَسَلَّمَ) அவர்களின் காலத்தில் செயல்பட்டு வந்த வழிமுறையாகும் என்பதை அப்துல்லாஹ் இப்னு அப்பாஸ் (رَضِيَ ٱللَّٰهُ عَنْهُ) அவர்களின் அறிவிப்பு நமக்கு எடுத்துக் காட்டுகின்றன. இதனை சுனன் அல் குப்ரா அல்பைஹகீ, சுனன் அபீதாவூத், மற்றும் அல்முன்தகா இப்னு ஜாரூத் போன்ற நூட்களில் நாம் காணலாம்.

fidhya

நோன்பை நோற்காமல் ஃபித்யா (பரிகாரம்) கொடுக்க வேண்டியவர்கள் யார்?