بسم الله الرحمن الرحيم

கல்வி கற்பதில் விழிப்புணர்வுடன் இருத்தலும்!! வழிகேடர்களின் கல்வி முறையை புறக்கணித்தலும்!!

ஒரு முஃமின் மார்க்கத்தில் ஆகுமாக்கப்பட்டதை ஏற்று விலக்கப்பட்டதை விட்டு தவிர்த்து அல்லாஹ்வுக்கும் அவனுடைய தூதருக்கும் முழுமையாக கட்டுப்பட்டு வாழ ஒவ்வொரு முஃமினும் கடமைப்பட்டுள்ளார்கள்.

அல்லாஹ் (سبحانه وتعالى) கூறுகின்றான்:

وَمَاۤ ءَاتَىٰكُمُ ٱلرَّسُولُ فَخُذُوهُ وَمَا نَهَىٰكُمۡ عَنۡهُ فَٱنتَهُوا۟ وَٱتَّقُوا۟ ٱللَّهَۖ إِنَّ ٱللَّهَ شَدِیدُ ٱلۡعِقَابِ {[الحشر: ٧]

மேலும், (நம்) தூதர் உங்களுக்கு எதைக் கொடுக்கின்றாரோ அதை எடுத்துக் கொள்ளுங்கள்; இன்னும், எதை விட்டும் உங்களை விலக்குகின்றாரோ அதை விட்டும் விலகிக் கொள்ளுங்கள்; மேலும், அல்லாஹ்வை அஞ்சிக் கொள்ளுங்கள். நிச்சயமாக அல்லாஹ் வேதனை செய்வதில் மிகக் கடினமானவன்.

(அல்குர்ஆன் - 59:7)

நாம் நம்முடைய உலக காரியங்களில் ஏமாற்றப்பட்டு விடக்கூடாது என்பதற்காக ஒன்றுக்கு நூறு முறை யோசித்து, விசாரித்துப் பார்த்து பிறகு நமக்கு திருப்தி இருந்தால் மட்டுமே நாம் ஒரு பொருளை வாங்குவோம் அல்லது அதில் ஈடுபடுவோம்

உதாரணமாக; ஒருவர் ஒரு வியாபாரத்தில் ஈடுபடப்போகிறார் என்றால் அவர் அது குறித்த இலாப நஷ்டங்களை முன் கூட்டியே அறிந்து செயல்படுகிறார்,

ஒரு தந்தை தன் மகளுக்கு மாப்பிள்ளை தேடுகிறார் என்றால் அந்த மணமகனின் நன்னடத்தை, நற்குணம் மற்றும் பழக்க வழக்கம் இவற்றை குறித்து ஆழமாக விசாரித்த பின்னரே! அந்த மணமகன் விஷயத்தில் மணமகளின் தந்தை ஒரு முடிவுக்கு வருவார்.

இவ்வாறு நாம் ஒவ்வொரு விஷயத்திலும் கவனமாகவும் விழிப்புணர்வுடனும் இருக்கும் நாம், மார்க்க கல்வியை கற்க கூடிய விஷயத்தில் அல்லது நாம் யாருடைய ஆலோசனையில் மார்க்கத்தை அறிந்து செயல்படுகிறோம் என்ற விஷயத்தில் விழிப்புணர்வு இல்லமாலும் கவனம் இல்லாமலும் இருந்தால், நம்முடைய நன்மைகளை இழப்பதற்கு அதுவே காரணமாகி விடும்,

அல்லாஹ் (سبحانه وتعالى) கூறுகின்றான்:

{وَیَقُولُونَ ءَامَنَّا بِٱللَّهِ وَبِٱلرَّسُولِ وَأَطَعۡنَا ثُمَّ یَتَوَلَّىٰ فَرِیقࣱ مِّنۡهُم مِّنۢ بَعۡدِ ذَ ⁠لِكَۚ وَمَاۤ أُو۟لَـٰۤىِٕكَ بِٱلۡمُؤۡمِنِینَ}[النور: ٤٦]

அல்லாஹ்வையும் அவனது (இந்த) தூதரையும் நாங்கள் ஈமான் கொண்டோம்; (அவர்களுக்குக்) கீழ்படிகிறோம்” என்று சொல்லுகிறார்கள். (ஆனால், அதன்) பின்னர் அவர்களிலிருந்து ஒரு பிரிவார் புறக்கணித்து விடுகின்றனர் - எனவே, இவர்கள் (உண்மையில்) முஃமின்கள் அல்ல.

(அல்குர்ஆன்- 24:47)

எனவே அல்லாஹ்வையும் அவன் தூதரையும் நம்பிக்கை கொண்ட முஃமின் முழூ மனதுடனும், சிலதை ஏற்று சிலதை விடாமல், முழுமையாகவும் கட்டுப்பட வேண்டும், என்று அல்லாஹ் நமக்கு கட்டளையிடுகிறான்.

மேலும் அல்லாஹ் (سبحانه وتعالى) கூறுகின்றான்:

{وَكَذَ ⁠لِكَ أَنزَلۡنَـٰهُ قُرۡءَانًا عَرَبِیࣰّا وَصَرَّفۡنَا فِیهِ مِنَ ٱلۡوَعِیدِ لَعَلَّهُمۡ یَتَّقُونَ أَوۡ یُحۡدِثُ لَهُمۡ ذِكۡرࣰا} [طه ١١٣]

(நபியே!) இவ்வாறே, இந்த குர்ஆனை அரபி மொழியில் நாம் இறக்கி வைத்தோம். மேலும், அவர்களுக்கு நல்லுபதேசத்தை உண்டாக்குவதற்காக, இதில் பல விதமான எச்சரிக்கைகளையும் கொடுத்துள்ளோம். இதன் மூலம் அவர்கள் (மார்க்கத்திற்கு முரணான தவறானவற்றிலிருந்து) தவிர்த்து (விலகி) விழிப்புணர்வடையக் கூடும்.

(அல்குர்ஆன்- 20:113)

எனவே, அல்லாஹ்வின் எச்சரிக்கையை கவனத்தில் கொண்டு, மார்க்க கடமைகளில் விழிப்புணர்வுடன் செயல்பட வேண்டும் என அல்லாஹ் நமக்கு அறிவுறுத்துகின்றான்.

எனவே அன்பிற்கினிய இஸ்லாமிய பெருமக்களே! நாம் கொள்கையிலும் ஸுன்னாஹ்வை செயல்படுத்துவதிலும் பித்அத்தை விட்டு விலகியிருப்பதிலும் ஹராமானவற்றிலிருந்து விலகியிருப்பதிலும் மன இச்சையிலிருந்து விலகியிருப்பதிலும் மிகவும் விழிப்புணர்வுடன் இருக்க வேண்டும் என அல்லாஹ் பல்வேறு வசனங்களிலிருந்து நமக்கு கட்டளையிடுகின்றான். அதற்கு முக்கியமாக ஒரு முஃமினுக்கு கல்வி குறித்த விழிப்புணர்வு மிகவும் அவசியமாகும்.

قَالَ رَسُولُ اللَّهِ ﷺ: سيأتِيكمْ أقوامٌ يَطلُبونَ العِلمَ، فإذا رأيتُموهمْ فقُولُوا لهمْ: مرْحبًا بوصيَّةِ رسولِ اللهِ، وأفْتُوهمْ.

الراوي: أبو سعيد الخدري، سنن ابن ماجه( ٢٤٧ )

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: உங்களிடம் மிக விரைவில் கல்வியைத் தேடுகின்ற சமுதாயத்தார்கள் வரவிருக்கின்றார்கள். அவர்களை நீங்கள் கண்டால், அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்களின் அறிவுரைப்படி உங்களுக்கு நற்செய்தி (உண்டாகட்டும்), நற்செய்தி (உண்டாகட்டும்) என்று கூறுங்கள். அவர்களுக்குக் (கல்வியைக்) கற்பியுங்கள்.

அறிவிப்பாளர்: அபூ ஸயீத் அல்-குத்ரிய் (رضي الله عنه)

நூல்: இப்னுமாஜா: 247

மேற்கண்ட செய்தியை இமாம் அல்பானி (رَحِمَهُ ٱللَّٰهُ) அவர்கள் தங்களது ஸஹீஹ் அல் ஜாமிஃ எனும் ஹதீஸ் மேலாய்வு நூலில் இதன் அறிவிப்பாளர் தொடர் வரிசை 3651 இல் ஹஸன்' தரத்தில் பதிவு செய்துள்ளார்கள்.

எனவே கல்வியை கற்பதும் கற்பிப்பதும் அல்லாஹ்வின் தூதரிடமிருந்து நற்செய்தியைப் பெற்றுத் தரும் அளவிற்கு மிக முக்கியமான ஒன்றாகும்.

கல்வி குறித்த சிறப்புகளும் முக்கியத்துவங்களையும் அல்குர்ஆனிலிருந்தும் அஸ்ஸுன்னாஹ்விலிருந்தும் ஓரளவு சமூகம் அறிந்திருந்தாலும் மார்க்கத்தில் கூறப்பட்டுள்ள வழிகேடான சிந்தனைகளை விட்டும் மற்றும் வழிகேடான கொள்கைகளை விட்டும் சமூகம் அறிந்து விலகியிருப்பது அவசியமாகும்.

ஆரம்ப கால ஸலஃப் மக்கள் தங்களின் கல்வியை யாரிடமிருந்து கற்க வேண்டும். என்பதை தெளிவாக அறிந்திருந்தனர், அதற்கான வழிகாட்டுதல் அவர்களுக்கு இருந்தது.

காலப்போக்கில் அல்குர்ஆனையும் அஸ்ஸுன்னாஹ்வையும் அதற்கான விளக்கங்களை ஸஹாபாக்களின் புரிதலில் இருந்து பெறாமல் தன் சுய அறிவை கொண்டும் அல்லது தர்க்கவியலை கொண்டும் அல்லது அறிவியல் விளக்கங்களை கொண்டும் பெற முயற்சித்தததால், ஸஹாபாக்கள் மற்றும் அவர்களுக்கு பின் வந்த தலை சிறந்த மூன்று நூற்றாண்டுகளுக்கு பிறகு வந்த மக்களை சில வழிகேடர்கள் தங்கள் வழிகேடான கொள்கையை கொண்டும் வழிகேடான சித்தாந்தத்தை கொண்டும் வழிகெடுத்தனர்.

தங்களது வழிகேடான கருத்துக்கள் மக்களிடம் பரவி வரும் காலமெல்லாம் அந்தந்த காலத்தில் வாழ்ந்து வந்த அஹ்லுஸ் ஸுன்னாஹ் பேரறிஞர்கள் அல்குர்ஆன் அஸ்ஸுன்னாஹ்வை அதன் தூய்மை மாறாமல் மக்களிடம் கொண்டு சேர்த்துள்ளனர், மக்களிடம் சத்தியத்தை எடுத்துரைத்து வழிகேடான கொள்கைகளை விட்டும் மக்களை விழிப்புணர்வு பெற செய்தார்கள்.

தற்போதைய காலத்தை போல அரபுக்கல்லூரிகள் மற்றும் இஸ்லாமிய பல்கலை கழகங்கள் பெரிதாக இல்லாத அந்த ஆரம்ப காலங்களில் மக்கள் அனைவரும் தங்கள் பகுதியில் வாழ்ந்து வந்த, மார்க்க கல்வியில் தேர்ச்சி பெற்ற, உலகப்பற்றின்மை மேலோங்கிய அறிஞப்பெருமக்களிடம் சென்று தங்களின் மார்க்க அறிவை கற்றுக்கொண்டும் செயல்படுத்தி கொண்டும் இருந்தார்கள்.

எனவே ஒரு முஸ்லிம் வழிகேட்டிலிருந்து விலகியிருக்க வேண்டும் என்றால், அவர் குறைந்த பட்சம் மார்க்க கல்வியின் அடிப்படைகளை அறிந்திருக்க வேண்டும், ஆனால் இஸ்லாமிய பொது மக்களுக்கு இது குறித்த விழிப்புணர்வு இல்லாததால், பெரும்பாலான இயக்கம் அல்லது அமைப்பு சார்ந்த மார்க்க கல்வி நிறுவனங்களுக்கு சாதகமாகி ஆகிவிட்டது, இவர்கள் பொது மேடைகளில் அல்குர்ஆன் அஸ்ஸுன்னாஹ் என பேசுவார்கள், ஆனால் ஒரு போதும் இவர்கள் அதை கடைபிடித்தில்லை, இவர்களே சில நேரம் அறிந்தோ! அறியாமலோ! கொள்கை வழிகேடுகளில் சிக்கிருப்பதால் மக்களுக்கு கல்வி சார்ந்த விழிப்புணர்வை ஏற்படுத்தியதே இல்லை.

உதாரணமாக: தற்போது தமிழகத்தில் ஸலஃப் கொள்கையை பற்றிப்பிடிக்கின்றோம் என்ற பெயரில் "ஜாக்" என்ற அமைப்பு மக்களிடம் ஆங்காங்கே பிரச்சாரம் செய்வதை பார்க்க முடிகிறது, ஆனால் இவர்கள் உண்மையில் ஸலஃப் அஸ்ஸாலிஹீன்களின் கொள்கையை முழுவதுமாக பின்பற்றவில்லை, ஆரம்ப காலங்களில் கொள்கை உறவுடன் பயணித்து, பிறகு சுய காரணங்களால் இவர்களிடமிருந்து பிரிந்த Tntj என்ற இயக்கத்துடன் அவ்வப்போது இவர்களுக்கு ஸலஃப் குறித்த விஷயத்தில் முரண்பாடு வரும் போதெல்லாம்,

இந்த "ஜாக்" என்ற அமைப்பினர், 'ஸலஃப் கொள்கை சத்தியமானது, ஸஹாபாக்களை தான் பின்பற்ற வேண்டும் என அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள். எனவே ஒரு முஸ்லிம் ஸலஃப் கொள்கையை தான் பின்பற்ற வேண்டும்'

என்று பெரிய பிரச்சாரத்தை நிகழ்த்துவார்கள், ஆனால் இவர்களது கல்வி நிறுவனங்களில் வெளிரங்கத்தில் "மதரஸா ஸலஃபியா" என்ற பெயர் இருக்குமே தவிர, இவர்களது கல்வி நிறுவனங்களில் அல்குர்ஆன் அஸ்ஸுன்னாஹ் அடிப்படையில் மற்றும் ஸலஃப் அறிஞர்களின் வழிகாட்டுதலில் பரிபூரணமான ஒரே மாதிரியான பாடத்திட்டம் இல்லை, அடிக்கடி மாறிக்கொண்டிருக்கும் இவர்களது பாடத்திட்டத்தில் வழிகேடர்களின் நூல்கள் இடம்பெற்றிருப்பதை காண முடியும், அதாவது சமகாலத்தில் வாழ்ந்து மறைந்த சவுதி அரேபியாவை சார்ந்த மூத்த அறிஞரான அஷ் ஷேக் அப்துல் அஸீஸ் இப்னு பாஸ் (رَحِمَهُ ٱللَّٰهُ), அஷ் ஷேக் முஹம்மது இப்னு ஸாலிஹ் அல்உஸைமீன் (رَحِمَهُ ٱللَّٰهُ) போன்ற அஹ்லுஸ் ஸுன்னாஹ் அறிஞப்பெருமக்கள் விமர்சித்த அலி அல்-ஸாபூனி, போன்றோர்களின் நூல்களை தஃப்ஸீர் பாடத்தில் அமைத்துள்ளார்கள். யார் இந்த அலி அல்-ஸாபூனி ? இவர் அல்லாஹ்வின் சில பண்பு பெயர்களுக்கு வழிகேடர்களின் விளக்கங்களை அஹ்லுஸ்ஸுன்னாஹ் உலமாக்களின் விளக்கத்துடன் கலந்துள்ளார்.

உதாரணமாக அவர் தொகுத்த "ஸஃப்வது தஃபாஸீர்" என்னும் நூலில் இமாம் இப்னு கஸீர் (رَحِمَهُ ٱللَّٰهُ) அவர்களின் விளக்கத்துடன் சேர்த்து முஃதஸிலா என்னும் வழிகெட்ட கொள்கையை சார்ந்த இமாம் ஸமஹ்ஷரி என்பவரின் விளக்கத்தையும் சேர்த்தே பதிவு செய்துள்ளார்.

{يَدُ الله فَوْقَ أَيْدِيهِمْ} [الفتح: ١٠]

وقال الزمخشري: يريد أن يد رسول الله ﷺ التي تعلو أيدي المبايعين هي يدُ الله.

صفوة التفاسير: (٣/٢٠٤)

“நிச்சயமாக, அல்லாஹ்வின் கரம் அவர்களின் கரங்களுக்கு மேல் இருக்கிறது”

(அல்குர்ஆன்- 48:10)

மேற்கண்ட வசனத்திற்கு முஃதஸிலா என்னும் வழிகெட்ட கொள்கையை சார்ந்த இமாம் ஸமஹ்ஷரி என்பவர் தந்த விளக்கம்:

“(பைஅத்துர் ரிழ்வான் எனப்படும் உடன்படிக்கை நிகழ்வின்போது) அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்களின் கை, ஸஹாபாக்கள் பைஅத் செய்யும்போது அவர்களின் கைகளுக்கு மேல் வைத்திருந்தார்கள், எனவே இந்த இடத்தில அல்லாஹ்வின் கை என்பது நபியின் கை என கூறப்படுகிறது”

நூல்: ஸஃப்வது தஃபாஸீர், (3/204)

நூலாசிரியர்: அலீ அஸ்ஸாபூனி

குறிப்பு: (முஃதஸிலா என்பவர்கள் அஹ்லுஸ்ஸுன்னாஹ் கொள்கையை விட்டும் நீங்கியவர்கள், அல்குர்ஆனை ஸஹாபாக்களின் விளக்கத்தின் மூலம் அடைவதை விட்டு விலகி தன் சொந்த சுய அறிவு, எண்ணம், மனோ இச்சைகளை கொண்டு அல்குர்ஆனிலிருந்தும் அஸ்ஸுன்னாஹ்விலிருந்தும் விளக்கம் பெறலாம் என்ற நவீன சித்தாந்தத்தை கூறி மக்களை வழிகெடுக்கும் கூட்டத்தினர் ஆவர்,)

ஆனால் மேற்கண்ட வசன விளக்கத்திற்கு நேர் முரணாக அல்லாஹ் வேறு வசனத்தில் தன்னை பற்றி குறிப்பிடுகையில்,

{لَيْسَ كَمِثْلِهِ شَيْءٌ {[الشورى: ١١]

அவனைப்போன்று எப்பொருளும் இல்லை,

(அல்குர்ஆன்- 42:11)

قال ابن كثير: لَيْسَ كَخَالِقِ الْأَزْوَاجِ كُلِّهَا شَيْءٌ؛ لِأَنَّهُ الْفَرْدُ الصَّمَدُ الَّذِي لَا نَظِيرَ لَهُ

تفسير إبن كثير: (٦/٥٤٢)

இமாம் இப்னு கஸீர் (رَحِمَهُ ٱللَّٰهُ) அவர்கள் மேற்கண்ட வசனத்திற்கு விளக்கமளிக்கையில்:

அதாவது அவனை வர்ணிக்க முடியாது எனவும் அவனுக்கு உதாரணம் கூற முடியாது, படைப்பினங்களில் எதையும் அவனுக்கு ஒப்பாக்க முடியாது எனவும் அல்லாஹ் தன்னை பற்றி குறிப்பிடுகின்றான்.

நூல்: தஃப்ஸீர் இப்னு கஸீர் (6/542)

நூலாசிரியர்: இமாம் இப்னு கஸீர் (رَحِمَهُ ٱللَّٰهُ)

இவ்வாறு இருக்கும் போது அல்லாஹ் தன்னை பற்றி பேசக்கூடிய வசனத்தில் அல்லாஹ்வும் அவனது தூதரும் எந்த விளக்கத்தை குறித்து பேசினார்களோ! அதை மட்டுமே விளக்கமாக எடுக்க வேண்டும். அதை தவிர்த்து விட்டு வழிகேடர்களின் விளக்கத்தை ஒருபோதும் எடுக்கமுடியாது இதுவே அஹ்லுஸ்ஸுன்னாஹ் வல் ஜமாஅத் அறிஞப்பெருமக்களின் நிலைப்பாடு.

1.الكتاب :تنبيهات على ما كتبه الشيخ الصابوني في صفات الله عز وجل.

( الشيخ عبد العزيز بن باز (رحمه الله) )

2.الكتاب :البيان لأخطاء بعض الكتاب.

( الشيخ صالح بن فوزان الفوزان (حفظه الله) )

அலி அஸ்ஸாபூனியின் வழிகேட்டை குறித்து பல உலமாக்கள் விமர்சித்தும் கண்டித்தும் உள்ளார்கள், அதில் பிரபலமானது இமாம் இப்னு பாஸ் (رَحِمَهُ ٱللَّٰهُ) அவர்கள் தொகுத்த "தன்பீஹாத் அலா மா கதபஹு ஷேக் ஸாபூனி ஃபீ ஸிஃபாதில்லாஹி அஸ்ஸ வ ஜல்" என்ற நூலாகும். இந்த நூலில் இந்த ஆசிரியரின் வழிகேடான கருத்துக்களை சுட்டிக்காட்டி அதற்கு ஷேக் இப்னு பாஸ் (رَحِمَهُ ٱللَّٰهُ) அவர்கள் விளக்களித்துள்ளார்கள்.

அதன் பிறகு ஷேக் ஸாலிஹ் அல்- ஃபவ்ஸான் (ஹபிஃழஹுல்லாஹ்) அவர்கள் "அல்-பயான் லி அக்தாயி பஃதுல் குத்தாப்" என்ற நூலிலும் இந்த ஆசிரியரின் வழிகேடான கருத்தை விரிவாக விளக்கியுள்ளார்கள்.

எனவே ஒரு மாணவர் கல்வி கற்கும் தருவாயில் கொள்கை வழிகேடர்களின் நூல்களை கற்று வெளியேறினால், அதன் மூலம் சமூகத்திற்கு ஏற்படும் தாக்கத்தை குறித்து நாம் சிந்திக்க வேண்டும்.

ஒருவர் மார்க்க கல்வியை எவ்வாறு பெற வேண்டும் என்பதை அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் நமக்கு வழிகாட்டி தந்துள்ளார்கள்.

قَالَ رَسُولُ اللَّهِ ﷺ: تسمَعونَ ويُسمَعُ منكم ويُسمَعُ ممَّن سمِع منكم.

الراوي : عبدالله بن عباس .أخرجه أبو داود (٣٦٥٩)، وأحمد (٢٩٤٧) البحر الزخار (١١/٢٦٦)

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: (இப்போது என்னிடமிருந்து) நீங்கள் (மார்க்க கல்வியை) செவியுறுகின்றீர்கள். (பிற்காலத்தில் இக்கல்வி) உங்களிடமிருந்து செவியுறப்படும். (அதன்பின்) உங்களிடம் கேட்டவர்களிடமிருந்து செவியுறப்படும். (இவ்வாறே இது தொடர்ந்து கொண்டே இருக்கும்)

அறிவிப்பாளர்: அப்துல்லாஹ் இப்னு அப்பாஸ் (رضي الله عنه)

நூல்: அபூதாவூத்: 3659, முஸ்னது அஹ்மது 2947, அல்பஹ்ருஸ் ஸஹ்ஹார் 11/266, ஸஹீஹ் இப்னு ஹிப்பான் 4892.

மேற்கண்ட ஹதீஸ் "ஸஹீஹ் அபூ தாவூத்" எனும் மேலாய்வு நூலில் இமாம் அல்பானி (رَحِمَهُ ٱللَّٰهُ) அவர்கள் ஸஹீஹ் தரத்தில் (3659) பதிவு செய்துள்ளார்கள்.

மேற்கண்ட ஹதீஸை ;

ذِكْرُ الإِخْبَارِ عَنْ سَمَاعِ الْمُسْلِمِينَ السُّنَنَ خَلَفٍ عَنْ سَلَفٍ.

صحيح ابن حبان(٦/ ٧٠)

"முஸ்லிம்களில் முன் சென்ற தலைமுறையினரிடமிருந்து பின்வரும் தலைமுறையினர் "ஸுன்னாஹ்வை" (நபியின் வழிமுறை) கேட்டுப் பெற்று (கற்று) வந்த முறையைப் பற்றியுள்ள பாடம்"

என்ற தலைப்பில் இமாம் இப்னு ஹிப்பான் தங்களது ஸஹீஹ் இப்னு ஹிப்பான் எனும் நூலில் 6 வது பாகம் 70 ஆவது பக்கதில் பதிவு செய்துள்ளார்கள்.

இவ்வாறு மார்க்க கல்வி என்பது முதலில் அல்லாஹ்வுடைய தூதரிடமிருந்து ஸஹாபாக்களுக்கும் பின்பு அவர்களிடமிருந்து தாபியீன்களுக்கும் பின்பு அவர்களிடமிருந்து தபஉ தாபியீன்களுக்கும் பின்பு அவர்களிடமிருந்து அடுத்த தலைமுறை மாணவர்களுக்கும் இவ்வாறு இறுதி வரைக்கும் சென்று கொண்டிருக்கும்.

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் நமக்கு, அல்லாஹ்விடத்தில் பயனுள்ள கல்வியை கேட்க வேண்டும் எனவும், பயனற்ற கல்வியை விட்டும் பாதுகாப்பு தேடவேண்டும் எனவும் உபதேசித்துள்ளார்கள்.

قَالَ رَسُولُ اللَّهِ ﷺ: سَلوا اللهَ عِلمًا نافعًا وتعَوَّذوا باللهِ مِن علمٍ لا ينفعُ.

الراوي: جابر بن عبد الله، أخرجه ابن ماجه (٣٨٤٣)

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: நீங்கள் அல்லாஹ்விடத்தில் பயனுள்ள கல்வியை கேளுங்கள், இன்னும் பயனற்ற கல்வியிலிருந்தும் அல்லாஹ்விடம் பாதுகாப்பு தேடுங்கள்.

அறிவிப்பாளர்: ஜாபிர் இப்னு அப்துல்லாஹ் (رضي الله عنه)

நூல்: இப்னு மாஜஹ் (3843)

மேற்கண்ட ஹதீஸை "ஸஹீஹ் இப்னு மாஜஹ்" எனும் மேலாய்வு நூலில் இமாம் அல்பானி (رَحِمَهُ ٱللَّٰهُ) அவர்கள் ஹஸன் தரத்தில் (3114) பதிவு செய்துள்ளார்கள்.

பயனற்ற கல்வி என்பது அல்லாஹ்வின் அச்சத்தை ஏற்படுத்தாது, பயனற்ற கல்வி வழிகேட்டை ஏற்படுத்தும், மேலும் பயனற்ற கல்வி என்பது அல்குர்ஆன் மற்றும் அஸ்ஸுன்னாஹ்வை விட்டு விட்டு, மனோ இச்சைகளை பின்பற்றுவதாகும்.

மனோ இச்சையை தவிர்த்து அல்குர்ஆனை பின்பற்ற வேண்டும் என அல்லாஹ் கட்டளையிடுகிறான்.

{ثُمَّ جَعَلۡنَـٰكَ عَلَىٰ شَرِیعَةࣲ مِّنَ ٱلۡأَمۡرِ فَٱتَّبِعۡهَا وَلَا تَتَّبِعۡ أَهۡوَاۤءَ ٱلَّذِینَ لَا یَعۡلَمُونَ} [الجاثية: ١٨]

(நபியே! மார்க்கக்) காரியத்தில் (நேரான) வழியின் மீது உம்மை நாம் ஆக்கி இருக்கின்றோம், ஆகவே, அதனை(யே) நீர் பின்பற்றுவீராக! (உண்மையை) அறியாதவர்களாக இருக்கிறார்களே, அவர்களின் மனோ இச்சைகளை நீர் பின்பற்றாதீர்.

(அல்குர்ஆன்-45:18)

{اِنْ يَّتَّبِعُوْنَ اِلَّا الظَّنَّ وَمَا تَهْوَى الْاَنْفُسُ‌ۚ وَلَقَدْ جَآءَهُمْ مِّنْ رَّبِّهِمُ الْهُدٰى} [النجم: ٢٣]

மக்கள் (தங்கள்) மன இச்சைகளை பின்பற்றிக்கொண்டு இருக்கின்றார்கள். மனம்போன போக்கில் செல்கிறார்கள். ஆனாலும் அவர்களின் ரப்பிடமிடமிருந்து அவர்களுக்கு (அல்குர்ஆன் எனும் நேரான) வழிகாட்டல் வந்து விட்டது (இருந்தும், அதனை அவர்கள் பின்பற்றுவதில்லை.)

(அல்குர்ஆன்- 53:23)

மேலும் அல்லாஹ் (سبحانه وتعالى) கூறுகின்றான்:

{بَلِ ٱتَّبَعَ ٱلَّذِینَ ظَلَمُوۤا۟ أَهۡوَاۤءَهُم بِغَیۡرِ عِلۡمࣲ فَمَن یَهۡدِی مَنۡ أَضَلَّ ٱللَّهُ وَمَا لَهُم مِّن نَّـٰصِرِینَ} [الروم: ٢٩]

எனினும், அநியாயக்காரர்கள் கல்வி அறிவில்லாமல் தம் மனோ இச்சை களையே பின்பற்றுகிறார்கள்; ஆகவே யாரை அல்லாஹ் வழிகெடச் செய்தானோ, அவர்களை நேர் வழியில் கொண்டு வருபவர் யார்? மேலும் அவர்களுக்கு உதவி செய்வோரும் யாருமில்லை.

(அல்குர்ஆன்- 30:29)

மேற்கண்ட இந்த வசனத்திற்கு சமகால தஃப்ஸீர் துறை அறிஞரும், இஸ்லாமிய வரலாற்று துறை அறிஞருமான அஷ்-ஷேக் அல் அல்லாமா முஹம்மது அலி அஷ் ஷவ்கானிய் (رَحِمَهُ ٱللَّٰهُ) அவர்கள் விளக்கமளிக்கையில்;

(أيْ: لَمْ يَعْقِلُوا الآياتِ بَلِ اتَّبَعُوا أهْواءَهُمُ الزّائِغَةَ، وآراءَهُمُ الفاسِدَةَ الزّائِفَةَ، ومَحَلُّ " بِغَيْرِ عِلْمٍ" النَّصْبُ عَلى الحالِ أيْ: جاهِلِينَ بِأنَّهم عَلى ضَلالَةٍ)

(٤/٢٥٨ فتح القدير للشوكاني )

அவர்கள் அல்லாஹ்வின் வசனங்களை சிந்தித்து உணர முயற்சி செய்யவில்லை. மாறாக, அவர்கள் தங்களது (தீய) வழிகெட்ட ஆசைகளையும், தவறான மற்றும் பொய்யான எண்ணங்களையும் பின்பற்றினார்கள்.

இங்கு "علم இன்றி" – بِغَيْرِ عِلْمٍ‌ۚ (பிகைரி இல்மின்) என்பதன் விளக்கம்: தாங்கள் தவறான வழியில் இருக்கிறோம் என்பது தெரியாமலே அந்த வழியைப் பின்பற்றினர், என்பதாகும்.

நூல்: ஃபத்ஹுல் கதீர் (4/258)

நூலாசிரியர்: அஷ்ஷேக் முஹம்மது அலி அஷ் ஷவ்கானிய் (رَحِمَهُ ٱللَّٰهُ)

மனோ இச்சையை குறித்து அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்களின் எச்சரிக்கை

قَالَ رَسُولُ اللَّهِ ﷺ: فأمّا المهلِكاتُ: فشُحٌّ مُطاعٌ، وهَوًى مُتَّبَعٌ، وإِعجابُ المرْءِ بنفْسِهِ.

الراوي: عبدالله بن عمر. أخرجه الطبراني في (المعجم الأوسط) (٥٧٥٤) وأخرجه البزار (٦٤٩١)

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: மனிதனை அழிவுக்கு இட்டுச் செல்லும் மூன்று விஷயங்கள் (அவை): கஞ்சத்தனத்தின் மீது பேராசை வைப்பது, தன் ஆசைகளை (மன இச்சையை வழிகாட்டியாக) பின்பற்றுவது, தன்னை தானே பெருமைபடுத்திக்கொள்வது.

அறிவிப்பாளர்: அப்துல்லாஹ் இப்னு உமர் (رضي الله عنه)

நூல்: முஃஜமுல் அவ்ஸத் (இமாம் தப்ரானி (رَحِمَهُ ٱللَّٰهُ), 5754) முஸ்னது பஸ்ஸார் (6491)

மேற்கண்ட ஹதீஸை "ஸஹீஹ் அல் ஜாமிஃ" எனும் தங்களது ஹதீஸ் மேலாய்வு நூலில் இமாம் அல்பானி (رَحِمَهُ ٱللَّٰهُ) அவர்கள் ஹஸன் தரத்தில் (3056) பதிவு செய்துள்ளார்கள்.

عن أَبِي عَامِرٍ عَبْدِ اللَّهِ بْنِ لُحَيٍّ, قَالَ: حَجَجْنَا مَعَ مُعَاوِيَةَ بْنِ أَبِي سُفْيَانَ، فَلَمَّا قَدِمْنَا مَكَّةَ قَامَ حِينَ صَلَّى صَلَاةَ الظُّهْرِ فَقَالَ: إِنَّ رَسُولَ اللَّهِ ﷺ قَالَ: "إنَّ أهْلَ الْكِتَابَيْنِ افْتَرَقُوا فِي دِينِهِمْ عَلَى ثنتيْنِ وَسَبْعِينَ مِلَّةً، وإنَّ هذِهِ الأمَّةَ سَتَفْتَرِقُ عَلَى ثَلاثٍ وَسَبْعِينَ مِلَّةً -يَعْنِي الْأَهْوَاءَ -كُلُّهَا فِي النَّار إِلَّا وَاحِدَةٌ، وَهِيَ الْجَمَاعَةُ، وَإِنَّهُ سَيَخْرُجُ فِي أُمَّتِي أَقْوَامٌ تُجَارى بِهِمْ تِلْكَ الأهْواء، كَمَا يَتَجَارى الكَلبُ بصَاحِبِهِ، لَا يَبْقَى مِنْهُ عِرْقٌ وَلا مَفْصِلٌ إِلَّا دَخَلَهُ. واللهِ -يَا مَعْشَر العَربِ-لَئِنْ لَمْ تَقُومُوا بِمَا جَاءَ بِهِ نَبِيُّكُمْ ﷺ لَغَيْرُكم مِن النَّاسِ أحْرَى أَلَّا يَقُومَ بِهِ.

مسند أحمد ( ١٦٩٣٧) وسنن أبي داود (٤٥٩٧)

அபு ஆமிர் அப்துல்லாஹ் இப்னு லுஹைய் அவர்கள் கூறினார்கள்;

நாங்கள் முஆவியா இப்னு அபு ஸுஃப்யான் (رضي الله عنه) அவர்களுடன் ஹஜ் செய்தோம். மக்கா வந்தடைந்தபிறகு லுஹர் தொழுகையை தொழுது முடித்தோம். பிறகு முஆவியா (رضي الله عنه) அவர்கள் எங்களுக்கிடையில் எழுந்து நின்று பின்வருமாறு உரையாற்றினார்கள்: அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள் ; “உங்களுக்கு முன் வேதம் கொடுக்கப்பட்ட (யூதர்கள், கிறிஸ்துவர்கள்) தங்களது மார்க்க விஷயங்களில் எழுபத்திரண்டு பிரிவினர்களாக பிரிந்து விட்டனர்,

(என்னுடைய) இந்த சமூகம் (பின்னாளில்) எழுபத்தி மூன்று கூட்டமாக பிரியும். அதாவது மனோ இச்சையைக்கொண்டு தங்களுக்குள் பிரிந்து கிடப்பர். இவர்கள் அனைவரும் நரகத்தில் இருப்பார்கள். ஒரேயொரு கூட்டத்தினரை தவிர,

அவர்கள் யாரென்றால் அல் ஜமாஅத் என்கின்ற (நானும் என் தோழர்களும் கடைபிடித்த வழிகளை பின்பற்றக்கூடியவர்கள்)

இன்னும் எனது சமுதாயத்தில் சில கூட்டத்தினர் தோன்றுவார்கள். நாய் கடி நோய் ஏற்பட்டவனுக்கு தனது நரம்பு, மூட்டு ஆகிய அனைத்திலும் அந்த நோய் ஊடுருவிவிடுவதை போன்று அவர்களுக்குள் மனோஇச்சை எனும் இந்நோய் நன்றாக (அவர்களுக்கு மத்தியிலேயே) ஊடுருவிவிடும்.”

அல்லாஹ்வின் மீது சத்தியமாக ! அரபு சமூகத்தவர்களே ! உங்களுடைய நபி முஹம்மது (صَلَّى اللّٰهُ عَلَيْهِ وَسَلَّمَ) அவர்கள் கொண்டு வந்ததை நீங்கள் கடைபிடிக்கவில்லையென்றால் (வேறு யார் தான் கடைபிடிப்பார்கள்) ஏனென்றால் நீங்கள் தான் அதை கடைபிடிக்க மிகவும் தகுதியுள்ளவர்கள்.

நூல் ; முஸ்னது அஹ்மது (16937) , அபு தாவூத் (4597)

மேற்கண்ட ஹதீஸை இமாம் அல்பானி (رَحِمَهُ ٱللَّٰهُ) அவர்கள் தங்களது ஹிதாயதுர் ருவ்வாத் எனும் நூலில் அதன் அறிவிப்பாளர் தொடர் வரிசையை 170 ஆம் எண்ணில் ஸஹீஹ் தரத்தில் பதிவு செய்துள்ளார்கள்.

تلك الأهواء: بعض المتكلمين والفلاسفة وأصحاب المذاهب الهدامة والأفكار القبيحة الرديئة.

شرح الكتاب الإبانة من أصول الديانة. (١٠ / ٧)

المؤلف : الشيخ أبو الأشبال حسن الزهيري.

மேற்கண்ட ஹதீஸில் الأهواء என்ற வார்த்தைக்கு அஷ்ஷேக் அபுல் அஷ்பால் ஹஸன் அஸ் ஸுஹைரி (رَحِمَهُ ٱللَّٰهُ) அவர்கள்

அல் - அஹ்வா (الأهواء) மனோ இச்சை பின்பற்றுவோர் என்றால் அதற்கு பல பொருள் உள்ளன; தர்க்கவியல் பேசுவோர், தத்துவக்கலை பேசுவோர், இன்னும் மார்க்கத்திற்கு முரணான அழிவுகளையும் அருவறுக்கத்தகுந்தவையுமான சிந்தனைகளை ஆதரித்து பேசுவோர். போன்றோர்களையும் குறிக்கும் என விளக்கமளித்துள்ளார்கள்.

நூல் ; ஷரஹ் கிதாபுல் இபானா மின் உஸூலி தியானா. (பாகம்; 10, பக்கம்; 7)

நூலாசிரியர்: அஷ்ஷேக் அபுல் அஷ்பால் ஹஸன் அஸ் ஸுஹைரி (رَحِمَهُ ٱللَّٰهُ)

மனோ இச்சையைக் கொண்டு வழிகேட்டை ஏற்படுத்துபவைகளை விட்டும் அதன் தாக்கம் கொண்டவர்களை விட்டும் நாம் விலகியிருக்க வேண்டும் என அஹ்லுஸ்ஸுன்னாஹ் அறிஞர்கள் நமக்கு வழிகாட்டி தந்துள்ளார்கள்.

عَنْ الْحَسَنِ وَابْنِ سِيرِينَ أَنَّهُمَا قَالَا لَا تُجَالِسُوا أَصْحَابَ الْأَهْوَاءِ وَلَا تُجَادِلُوهُمْ وَلَا تَسْمَعُوا مِنْهُمْ .

أخرجه مسند الدارمي (٤١٥)

இமாம் ஹஸன் அல்பஸரி (رَحِمَهُ ٱللَّٰهُ), இமாம் இப்னு ஸீரீன் (رَحِمَهُ ٱللَّٰهُ) ஆகிய இருவரும் கூறினார்கள்: மன இச்சையின்படி செயல்படக் கூடியவர்களோடு (எதிலும்) அமராதீர்கள் (கலந்துகொள்ளாதீர்கள்) அவர்களிடம் தர்க்கம் செய்யாதீர்கள். அவர்களிடமிருந்து (கல்வி குறித்து எதையும்) செவியுறாதீர்கள் (கற்காதீர்கள்)

நூல்: முஸ்னது தாரிமி (415)

மேற்கண்ட செய்தியை இமாம் அல்பானி (رَحِمَهُ ٱللَّٰهُ) அவர்களின் மாணவர், சமகால ஹதீஸ்துறை வல்லுநர் அஷ்ஷேக் ஹுஸைன் ஸலீம் அஸத் அத்-தாரானி (رَحِمَهُ ٱللَّٰهُ) அவர்கள் "முஸ்னது தாரிமி" உடைய மேலாய்வு நூலில் 1 ஆம் பாகம் 391 ஆம் பக்கத்தில் அதன் அறிவிப்பாளர் தொடர் வரிசையை "ஸஹீஹ்" தரத்தில் பதிவு செய்துள்ளார்கள்.

عَنْ أَسْمَاءَ بْنِ عُبَيْدٍ قَالَ دَخَلَ رَجُلَانِ مِنْ أَصْحَابِ الْأَهْوَاءِ عَلَى ابْنِ سِيرِينَ فَقَالَا يَا أَبَا بَكْرٍ نُحَدِّثُكَ بِحَدِيثٍ قَالَ لَا قَالَا فَنَقْرَأُ عَلَيْكَ آيَةً مِنْ كِتَابِ اللَّهِ قَالَ لَا لِتَقُومَانِ عَنِّي أَوْ لَأَقُومَنَّ قَالَ فَخَرَجَا. فَقَالَ بَعْضُ الْقَوْمِ يَا أَبَا بَكْرٍ وَمَا كَانَ عَلَيْكَ أَنْ يَقْرَآ عَلَيْكَ آيَةً مِنْ كِتَابِ اللَّهِ قَالَ إِنِّي خَشِيتُ أَنْ يَقْرَآ عَلَيَّ آيَةً مِنْ كِتَابِ اللَّهِ فَيُحَرِّفَانِهَا فَيَقِرُّ ذَلِكَ فِي قَلْبِي.

أخرجه مسند الدارمي( ٤١١)

அஸ்மா இப்னு உபைத் (رَحِمَهُ ٱللَّٰهُ) அவர்கள் கூறினார்கள்:

மன இச்சைப்படி செயல்படக்கூடிய இருவர் இமாம் இப்னு ஸீரீன் (رَحِمَهُ ٱللَّٰهُ) அவர்களிடம் வந்து, “அபூபக்ர் (இப்னு ஸீரின் அவர்களது புனைப்பெயர்) அவர்களே! ஒரு ஹதீஸை நாங்கள் உங்களுக்கு அறிவிக்கட்டுமா?” என்று கேட்டார்கள். அதற்கு இமாம் அவர்கள், “வேண்டாம்” என்றார்கள். “அல்லாஹ்வின் வேதத்திலிருந்து ஒரு வசனத்தை நாங்கள் உங்களிடம் ஓதிக் காட்டட்டுமா?” என்று கேட்டார்கள். அதற்கும் இமாம் அவர்கள், “வேண்டாம்; நீங்கள் இருவரும் என்னிடமிருந்து எழுந்து செல்கின்றீர்களா? அல்லது நான் எழுந்து செல்லட்டுமா?” என்று கேட்டார்கள். (அதன்பின்) அவர்கள் இருவரும் புறப்பட்டுவிட்டார்கள். அதைக் கண்ட மக்களில் சிலர், அபூபக்ர் (இப்னு ஸீரின்) அவர்களே! “அல்லாஹ்வின் வேதத்திலிருந்து ஒரு வசனத்தை அவர்கள் உங்களிடம் ஓதிக் காட்டுவதில் உங்களுக்கு என்ன (சிரமம்) இருக்கிறது?” என்று வினவினார்கள். “அவர்கள் என்னிடம் ஏதாவது ஓர் வசனத்தை ஓதுவார்கள். அ(தன் விளக்கத்)தை (தன் எண்ணத்திற்கு தோதுவாக) மாற்றிக் கூறுவார்கள். அது என் உள்ளத்தில் பதிந்துவிடும். (அது எனக்குச் சிரமத்தை ஏற்படுத்தும்)” என்று பதிலளித்தார்கள்.

நூல்: முஸ்னது தாரிமி (411)

மேற்கண்ட செய்தியை இமாம் அல்பானி (رَحِمَهُ ٱللَّٰهُ) அவர்களின் மாணவர், சமகால ஹதீஸ்துறை வல்லுநர் அஷ்ஷேக் ஹுஸைன் ஸலீம் அஸத் அத்-தாரானி (رَحِمَهُ ٱللَّٰهُ) அவர்கள் "முஸ்னது தாரிமி" உடைய மேலாய்வு நூலில் 1 ஆம் பாகம் 389 ஆம் பக்கத்தில் அதன் அறிவிப்பாளர் தொடர் வரிசையை "ஸஹீஹ்" தரத்தில் பதிவு செய்துள்ளார்கள்.

عَنْ مُحَمَّدِ بْنِ سِيرِينَ قَالَ: إِنَّ هَذَا الْعِلْمَ دِينٌ فَانْظُرُوا عَمَّنْ تَأْخُذُونَ دِينَكُمْ.

صحيح مسلم (١/١١)

இமாம் முஹம்மத் இப்னு ஸீரின் (رَحِمَهُ ٱللَّٰهُ) அவர்கள் கூறினார்கள்: நிச்சயமாக இந்த (நபிமொழி) க்கல்வி (யை கற்றுக்கொள்வது) மார்க்கமாகும். எனவே, உங்களுடைய மார்க்க கல்வியை யாரிடமிருந்து பெறுகிறீர்களோ! அவரை (குறித்து) நன்கு அறிந்து கொள்ளுங்கள்.

நூல்: ஸஹீஹ் முஸ்லிம் 1/11

وعن مصعب بن سعد، قال: لا تجالسوا مفتونًا فإنه لن يخطئك منه إحدى خصلتين: إما أن يفتنك فتتابعه، أو يؤذيك قبل أن تفارقه.

أخرجه البيهقي في الاعتقاد (٢٣٩)

இமாம் முஸ்அப் இப்னு ஸஃது (رَحِمَهُ ٱللَّٰهُ) அவர்கள் கூறினார்கள்: குழப்பம் ஏற்படுத்துவர்களிடம் (கொள்கை வழிகேடு உள்ளவர்களிடம்) உட்காராதீர்கள் (எதிலும் கலந்து கொள்ளாதீர்கள்) ஏனெனில், அவர்களிடமிருந்து இரண்டு விதமான பாதிப்புகள் (ஏற்படுவதை) தவிர்க்கவே முடியாது:

ஒன்று, அவன் உங்களை வழிகேட்டின் பக்கம் (வழிகேடான கொள்கையின் பக்கம்) இழுத்து, அவனைப் போலவே நம்பச் செய்வான், அல்லது, நீங்கள் அவனை விட்டு விலகுவதற்கு முன்பே, உங்களை ஏதேனும் ஒரு துன்பத்தில் ஆழ்த்திவிடுவான்.

நூல்: அல் இஃதிகாத் (239)

நூலாசிரியர்: இமாம் பைஹகீ (رَحِمَهُ ٱللَّٰهُ)

يَقُولُ مَالِكَ بْنَ أَنَسٍ: لَا يُؤْخَذُ مِنْ رَجُلٍ صَاحِبِ هَوًى يَدْعُو النَّاسَ إِلَى هَوَاهُ.

الكتاب: الكفاية في علم الرواية (١٦٠)

المؤلف: الخطيب البغدادي

இமாம் மாலிக் இப்னு அனஸ் (رَحِمَهُ ٱللَّٰهُ) அவர்கள் கூறினார்கள்: மனோ இச்சையை பின்பற்றக்கூடிய (அதை, மார்க்கமாக்கி) மக்களை அதன் பால் அழைக்கக்கூடிய நபர்களிடமிருந்து கல்வியைப் பெற வேண்டாம்.

நூல்: அல்கிஃபாயா ஃபீ இல்மிர் ரிவாயா (160)

நூலாசிரியர்: இமாம் கதீப் அல்- பக்தாதி (رَحِمَهُ ٱللَّٰهُ)

எனவே மக்கள் அனைவரும் தங்களின் பிள்ளைகளை ஒரு கல்வி நிறுவனத்தில் சேர்க்கும் போது அந்த நிறுவனத்தின் கொள்கை என்ன? அவர்களது மன்ஹஜ் என்ன ? ஸலஃப் அஸ்ஸாலிஹீன்களின் புரிதலில் தான், மார்க்கத்தை விளங்கி செயல்படுகிறார்களா? அந்த நிறுவனத்தில் பித்அத்தான சிந்தனை பின்பற்றப்படுகிறதா ? என முழுமையாக ஆய்வு செய்யாமல் உங்களின் ஆண் பிள்ளைகளையோ! அல்லது பெண் பிள்ளைகளையோ! சேர்க்க வேண்டாம்.

ஒரு இஸ்லாமிய கல்லூரி வெறும் பிரபலமாக உள்ளதாலோ அல்லது அதிகமான மாணவர்கள் படிக்கின்றார்கள் என்பதற்காகவோ எந்த அரபுக்கல்லாரியிலும் தங்களது பிள்ளைகளை விசாரிக்காமல், ஆராயாமல் சேர்க்க வேண்டாம், பிள்ளைகளின் எதிர்கால நன்மைகளை கவனத்தில் கொண்டு இவ்விஷயத்தில் செயல்பட வேண்டும்.

قَالَ رَسُولُ اللَّهِ ﷺ: إنَّ مِن ورائِكم أيامَ الصَّبرِ، لِلمُتَمَسِّكِ فيهنَّ يومئذٍ بما أنتم عليه أجرُ خمسين منكم، قالوا، يا نبيَّ اللهِ أو منهم؟ قال، بل منْكم.

الراوي: عبدالله بن مسعود • عتبة بن غزوان • أخرجه المروزي في ((السنة)) (٣٢) واللفظ له، أخرجه الطبراني في ((المعجم الكبير)) (١٠٣٩٤)، واللفظ له، والبزار في ((البحر الزخار)) (١٧٧٦)

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: (ஸஹாபாக்களை நோக்கி) நிச்சயமாக! உங்களின் (காலத்திற்கு) பின்னால், (குழப்ப மிகுதியால் மார்க்கத்தை கடைபிடிக்க முடியாத) கடினமான நிலை ஏற்படும், அந்த நேரத்தில் (இன்று) நீங்கள் எதில் இருக்கின்றீர்களோ! அதை பற்றிக் (பிடித்துக்) கொண்டால், உங்களில் ஐம்பது பேர் (செய்த) நன்மை (க்கு சமமானதை, பற்றிப்பிடித்த) அவர்களுக்கு தரப்படும், (உடனே, ஸஹாபாக்கள்) அல்லாஹ்வின் தூதரே! அந்த நற்கூலி அவர்களிடமிருந்து எங்களுக்கு கிடைக்குமா அல்லது எங்களிடமிருந்து அவர்களுக்கு கிடைக்குமா? (என்று வினவினர்) அதற்கு அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் கூறினார்கள்: உங்களிடமிருந்து தான்! (சமமான, நற்கூலி வழங்கப்படும்)

அறிவிப்பாளர்கள்: அப்துல்லாஹ் இப்னு மஸ்ஊத் (رضي الله عنه), உத்பா இப்னு கஸ்வான் (رضي الله عنه)

நூல்: கிதாப் அஸ்ஸுன்னாஹ் (32)

நூலாசிரியர்: இமாம் முஹம்மது இப்னு நஸ்ர் அல்-மர்வஸி (رَحِمَهُ ٱللَّٰهُ)

நூல்: அல்-முஃஜமுல் கபீர் (10394)

நூலாசிரியர்: இமாம் தப்ரானி (رَحِمَهُ ٱللَّٰهُ)

நூல்: அல்-பஹ்ருஸ் ஸஹ்ஹார் (1776)

நூலாசிரியர்: இமாம் அல்-பஸ்ஸார் (رَحِمَهُ ٱللَّٰهُ)

மேற்கண்ட செய்தியை இமாம் அல்பானி ஸில்ஸிலது அஹாதீஸ் அஸ்-ஸஹீஹா எனும் தங்களது ஹதீஸ் மேலாய்வு நூலில் 494 ஆம் எண்ணில் அதன் அறிவிப்பாளர் தொடர் வரிசை ஸஹீஹ் தரத்தில் பதிவு செய்துள்ளார்கள்.

அன்பிற்கிய இஸ்லாமிய பெருமக்களே! ஆசிரியர்களே! பெற்றோர்களே! மேற்கண்ட இந்த ஹதீஸை சற்று சிந்தித்து பார்க்க வேண்டும், அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் இந்த சமூகத்திற்கு ஸுன்னாஹ்வை பின்பற்றும் வழிகாட்டியாக ஸஹாபாக்களை விட்டுச் சென்றார்கள். அந்த ஸஹாபாக்களிடமிருந்து தான் அகீதா, ஃபிக்ஹ், வரலாறு, ஹதீஸ்களை புரிந்த விதம், அல் குர்ஆனையும் அஸ்ஸுன்னாஹ்வையும் பாதுகாத்த விதம், என்று நம்முடைய மார்க்க கல்வியை பெற வேண்டும். வேறு எந்த வழிகேடான கொள்கையுடைய நபரிடமிருந்தும் மார்க்க கல்வியை பெறக் கூடாது என்பதை நாம் சிந்தித்து உணர வேண்டும்.

இதை தான் மன்ஹஜ் ஸலஃப் (முன் சென்ற ஸஹாபாக்கள் தாபியீன்கள் தபஉ தாபியீன்களது) வழிமுறை என்று சொல்லப்படும்.

குழப்பமான கால கட்டத்தில் வழிகேடுகள் நிறைந்த கொள்கைகள் ஆதிக்கம் செலுத்தும் காலத்தில் அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்களின் வழியையும், அவர்களது தோழர்களின் வழியையும் பின்பற்ற வேண்டும் என அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் நமக்கு கூறிய மிக முக்கியமான உபதேசம் ஆகும். இதை கடைபிடிக்கும் காலமெல்லாம் சமூகம் நிச்சயம் வழிகேட்டிற்கு செல்லாது.

وعظَنا رَسولُ اللهِ مَوعظةً وجِلَت مِنها القُلوبُ، وذرِفَت مِنها العُيونُ، فقُلنا: يا رسولَ اللهِ ! كأنَّها موعِظةُ مودِّعٍ فأوصِنا قال: أُوصِيكُم بتَقوى اللهِ، والسَّمعِ والطّاعةِ، وإن تَأَمَّرَ عليكُم عبدٌ، وأنَّهُ من يَعِش منكُم فسيَرى اختلافًا كثيرًا، فعليكُم بسُنَّتِي، وسُنَّةِ الخلفاءِ الرّاشدين المهديِّين، عَضُّوا علَيها بالنَّواجذِ، وإيّاكُم ومُحدَثاتِ الأمورِ، فإنَّ كلَّ بدعةٍ ضَلالةٌ.

الراوي: العرباض بن سارية • أخرجه أبو داود (٤٦٠٧)، والترمذي (٢٦٧٦)، وابن ماجه (٤٢)، وأحمد (١٧١٤٤)

அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) அவர்கள் ஒருநாள் எங்களுக்கு உரையாற்றினார். அந்த உரை எங்கள் இதயங்களை நடுங்கச் செய்தது, கண்களில் கண்ணீரை வரவழைத்தது. அப்போது நாங்கள்: "அல்லாஹ்வின் தூதரே! இது இறுதி உபதேசம் போல் உள்ளதே! எங்களுக்கு சிறந்த அறிவுரைகளை கூறுங்கள்!" என்று கேட்டோம்.

அதற்கு அல்லாஹ்வின் தூதர் (صَلَّى اللّٰهُ عَلَيْهِ وَسَلَّمَ) கூறினார்கள்:

"நான் உங்களை அல்லாஹ்வுக்கு அஞ்ச வேண்டும் என்று உபதேசிக்கின்றேன். மேலும் உங்களை (கருப்பின) அடிமை ஆட்சி செய்தாலும் அவருக்கு கீழ்ப்படியுங்கள்.

உங்களில் (எனக்குப் பிறகு) வாழ்பவர், பல வேறுபாடுகளையும் முரண்பாடுகளையும் காண்பார்கள். அந்த நேரத்தில் என் ஸுன்னாவையும், (வழிமுறையையும்) குலஃபாஉர் ராஷிதீன்களான (நேர்வழி பெற்ற கலீஃபாக்கள்) வழியையும் உறுதியாக பற்றிப் பிடித்துக் கொள்ளுங்கள். அதை உங்கள் கடவாய் பற்களை கொண்டாவது பற்றிக்கொள்ளுங்கள் (அதாவது விட்டு விடாதீர்கள்!). (மார்க்கத்தின் பெயரால் உண்டாக்கப்படும்) புதிய விஷயங்களை (நவீன வழிகேடுகளை) தவிருங்கள். ஏனெனில் ஒவ்வொரு (பித்அத்தும்) புதுமையும் வழிகேடாகும்.

அறிவிப்பாளர்: இர்பாழ் இப்னு ஸாரியா (رضي الله عنه)

நூல்: அபூதாவூத் (4607), திர்மிதி (2676), இப்னு மாஜஹ் (42), முஸ்னது அஹ்மது (17144)

மேற்கண்ட செய்தியை இமாம் அல்பானி ஸஹீஹ் அத்- தர்கீப் எனும் தங்களது ஹதீஸ் மேலாய்வு நூலில் 37 ஆம் எண்ணில் ஸஹீஹ் தரத்தில் பதிவு செய்துள்ளார்கள்

{رَبَّنَا لَا تُزِغۡ قُلُوبَنَا بَعۡدَ إِذۡ هَدَیۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ} [آل عمران ٨]

“எங்கள் ரப்பே! நீ எங்களுக்கு நேர்வழி காட்டிய பின்னர், எங்களுடைய உள்ளங்களை (அதிலிருந்து) வழி தவறச் செய்து விடாதே! மேலும், உன் புறத்திலிருந்து அருளையும் எங்களுக்கு அளிப்பாயாக! நிச்சயமாக நீயே பெரும் கொடையாளியாவாய்.

(அல்குர்ஆன்- 3:8)

எனவே! நம் உள்ளங்களை சீராக்கி வழிகேட்டிலிருந்து நம்மையும் நமது சமூகத்தையும் அல்லாஹ் காப்பானாக! ஆமீன்.

refutations

The Scholarly Standard of Ahlul Hadith and the Ignorance of Ahlul Bid'ah and Taqlid

கல்வி கற்பதில் விழிப்புணர்வுடன் இருத்தலும்!! வழிகேடர்களின் கல்வி முறையை புறக்கணித்தலும்!!