ஹுத்பத்துல் ஹாஜ்ஜா

நிச்சயமாக புகழ் அனைத்தும் அல்லாஹ்விற்கே உரியது. நாங்கள் அவனைப் புகழ்ந்து, அவனிடத்திலே உதவி தேடி, அவனிடமே பாவ மன்னிப்பு கேட்கிறோம். மேலும், எங்களுடைய உள்ளத்தால் மற்றும் செயல்களினால் ஏற்படும் கெடுதிகளிலிருந்து பாதுகாவல் தேடுகிறோம். அல்லாஹ் யாருக்கு நேர்வழி காட்டுகிறானோ அவரை யாராலும் வழிகெடுக்க முடியாது, அல்லாஹ் யாரை வழிகெடுத்துவிட்டானோ அவரை யாராலும் நேர்வழிப்படுத்த முடியாது.

நான் சாட்சி கூறுகிறேன், வணக்கத்திற்குத் தகுதியானவன் அல்லாஹ்வைத் தவிர வேறு யாரும் இல்லை. அவன் தனித்துவமானவன். அவனுக்கு எவ்வித இணையும் கிடையாது. மேலும், நான் சாட்சி கூறுகிறேன், முஹம்மது அல்லாஹ்வுடைய அடிமையும் தூதரும் ஆவார்.

يٰۤـاَيُّهَا الَّذِيْنَ اٰمَنُوْا اتَّقُوا اللّٰهَ حَقَّ تُقٰتِهٖ وَلَا تَمُوْتُنَّ اِلَّا وَاَنْـتُمْ مُّسْلِمُوْنَ‏

ஈமான் கொண்டவர்களே! நீங்கள் அல்லாஹ்வை அவனைப் பயப்பட வேண்டிய முறைப்படி பயப்படுங்கள். மேலும், நிச்சயமாக (முற்றிலும் அவனுக்குக் கீழ்ப்படிந்த) முஸ்லிம்களாகவே தவிர நீங்கள் மரணித்துவிட வேண்டாம். (3:102)

يٰۤـاَيُّهَا النَّاسُ اتَّقُوْا رَبَّكُمُ الَّذِىْ خَلَقَكُمْ مِّنْ نَّفْسٍ وَّاحِدَةٍ وَّخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيْرًا وَّنِسَآءً‌ ۚ وَاتَّقُوا اللّٰهَ الَّذِىْ تَسَآءَلُوْنَ بِهٖ وَالْاَرْحَامَ‌ ؕ اِنَّ اللّٰهَ كَانَ عَلَيْكُمْ رَقِيْبًا‏

மனிதர்களே! நீங்கள் உங்கள் இரட்சகனுக்கு தக்வாவுடன் நடந்துகொள்ளுங்கள். அவன் உங்கள் அனைவரையும் ஒரே ஆன்மாவில் இருந்து படைத்தான். அவரிலிருந்து அவருடைய மனைவியையும் படைத்தான். பின்பு அவ்விருவரிலிருந்து ஆண்கள், பெண்கள் எனப் பலரை (இப்பூமியில்) பரப்பினான். இன்னும் அவனைக் கொண்டே நீங்கள் (உங்களுக்குள் ஒருவருக்கொருவர் வேண்டியவற்றைக்) கேட்டுக்கொள்கின்றீர்களே அத்தகையவனையும், இரத்தக் கலப்பு உறவினர்களை (துண்டித்துவிடுவதிலும்) நீங்கள் அல்லாஹ்வுக்குத் தக்வாவுடன் நடந்துகொள்ளுங்கள். நிச்சயமாக அல்லாஹ் உங்களைக் கண்காணிப்பவனாகவே இருக்கின்றான். (4:1)

يٰۤـاَيُّهَا الَّذِيْنَ اٰمَنُوا اتَّقُوا اللّٰهَ وَقُوْلُوْا قَوْلًا سَدِيْدًا ۙ‏ يُّصْلِحْ لَـكُمْ اَعْمَالَـكُمْ وَيَغْفِرْ لَـكُمْ ذُنُوْبَكُمْؕ وَمَنْ يُّطِعِ اللّٰهَ وَرَسُوْلَهٗ فَقَدْ فَازَ فَوْزًا عَظِيْمًا‏

ஈமான் கொண்டவர்களே! நீங்கள் அல்லாஹ்வுக்கு தக்வாவுடன் நடந்து கொள்ளுங்கள்; (எந்நிலையிலும்) நேர்மையான சொல்லையே சொல்லுங்கள். (அவ்வாறு செல்வீர்களாயின்) அவன் உங்களுடைய காரியங்களை உங்களுக்குச் சீராக்கி வைப்பான்; உங்கள் பாவங்களை உங்களுக்கு மன்னிப்பான்; அல்லாஹ்வுக்கும் அவனுடைய தூதருக்கும் எவர் கீழ்ப்படிகின்றாரோ அவர் நிச்சயமாக மகத்தான வெற்றியை வெற்றியடைந்துவிட்டார். (33:70,71)

அதற்கு பின்னால்,

عَنْ جَابِرِ بْنِ عَبْدِ اللَّهِ، قَالَ كَانَ رَسُولُ اللَّهِ صلى الله عليه وسلم يَقُولُ إِنَّ أَصْدَقَ الْحَدِيثِ كِتَابُ اللَّهِ وَأَحْسَنَ الْهَدْىِ هَدْىُ مُحَمَّدٍ وَشَرَّ الأُمُورِ مُحْدَثَاتُهَا وَكُلَّ مُحْدَثَةٍ بِدْعَةٌ وَكُلَّ بِدْعَةٍ ضَلاَلَةٌ وَكُلَّ ضَلاَلَةٍ فِي النَّارِ

நிச்சயமாக வார்த்தைகளில் மிகச் சிறந்தது அல்லாஹ்வுடைய வேதமாகும். மேலும் வழிகாட்டுதல்களில் மிகச் சிறந்தது முஹம்மது அவர்களின் வழிகாட்டுதல் ஆகும். (மார்க்க) விஷயங்களில் மிகக் கெட்டது புதிதாக உருவாக்கப்படும் விஷயங்கள் ஆகும். எல்லா புதிய விஷயங்களும் பித்அத் ஆகும். எல்லா பித்அத்களும் வழிகேடு ஆகும். எல்லா வழிகேடுகளும் நரகத்திற்கு இட்டுச் செல்லக் கூடியது ஆகும்.

இவ்வுலகை விட்டுப் பிரிந்து மறுமையை நோக்கி சென்று கொண்டிருக்கும் அல்லாஹ்வின் பலவீனமான அடியானிடமிருந்து பொது முஸ்லிம்களுக்கு இறுதியான உபதேசம்:

அல்லாஹ்வை எவ்வாறு அஞ்ச வேண்டுமோ அவ்வாறு அஞ்சிக்கொள்ளுங்கள் மேலும் அல்லாஹ்வின் கயிறான அவனுடைய வேதத்தையும், அல்லாஹ்வின் தூதருடைய ஸுன்னாஹ்வையும் பற்றிப் பிடியுங்கள் அதிலிருந்து பிரிந்து விட வேண்டாம் என்று அனைத்து முஸ்லிம்களுக்கும் நான் உபதேசிக்கின்றேன்.

உங்களுடைய மார்க்கத்தில் பிரிவினையை உண்டாக்காதீர்கள் ஏனென்றால் அல்லாஹ்வை அஞ்சுவதிலும், அல்லாஹ்வின் கயிறான அவனுடைய வேதத்தையும், அல்லாஹ்வின் தூதருடைய ஸுன்னாஹ்வையும் பற்றிப் பிடிப்பதில் தான் இம்மை மறுமை வாழ்வின் மகிழ்ச்சியும் கண்ணியமும் இருக்கின்றது.

பிரிவினைகளும் வேற்றுமைகளும் தான் அவமானத்திற்கும் இழிவிற்கும் காரணியாக இருக்கின்றது. நிச்சயமாக ஓற்றுமை என்பது அல்லாஹ்வின் வேதத்தைக் கொண்டும் அல்லாஹ்வின் தூதருடைய ஸுன்னாஹ்வைக் கொண்டும் தான் அடைய முடியும் அதைத் தவிர வேறு வழிகளில் அடைய முடியாது. எனவே இம்மையிலும் மறுமையிலும் மகிழ்ச்சியை தரக்கூடிய இந்த மகத்தான வழிமுறையை பற்றிப்பிடித்துக் கொள்ளுங்கள். அதற்கு எதிரானவற்றிலிருந்து, அதாவது பிரிவினை மற்றும் குழப்பங்களை விட்டு தவிர்ந்திருங்கள்.

அல்லாஹ்வின் வேதத்தையும் அல்லாஹ்வின் தூதருடைய ஸுன்னாஹ்வையும் பற்றிப்பிடிப்பதிலும் அதன் பால் அழைப்பதிலும் தங்களை மேன்மைபடுத்திக் கொண்ட ஸலஃபிகளுக்கு என்னுடைய உபதேசம் என்னவென்றால், முஸ்லிம்களுடைய நிலையை சீர்திருத்துவதற்கு உங்களுடைய முயற்சிகளை அதிகப்படுத்துங்கள். அவர்களுடைய கொள்கையை, வணக்க வழிபாடுகளை, அரசியலை, பொருளாதாரத்தை, சமூகத்தை, இன்னும் எதுவெல்லாம் அல்லாஹ்வின் வேதத்தின் மீதும் அல்லாஹ்வின் தூதருடைய ஸுன்னாஹ்வின் மீதும் கட்டமைக்கப்பட வேண்டுமோ அவை அனைத்தினுடைய நிலையையும் முஸ்லிமகளிடத்தில் சீர்திருத்த முயற்சி செய்யுங்கள். இதனை அனைத்து முஸ்லிம்களுக்கும் தெளிவுபடுத்துங்கள்.

இந்த உம்மத்திற்கு நலவைத் தவிர வேறு எதையும் நாடவில்லை என்பதையும், அல்லாஹ்வின் வேதத்தையும் அல்லாஹ்வின் தூதருடைய ஸுன்னாஹ்வையும் புறந்தள்ளியதால் ஏற்பட்ட அனைத்து தீமைகளை விட்டும் இந்த உம்மத்தை விலக்குவது தான் ஸலஃபிகளின் உண்மையான உயர்வான நோக்கம் என்பதை தெளிவுபடுத்துங்கள்.

இந்த உம்மத்தைக் குறித்து அல்லாஹ்வை அஞ்சிக்கொள்ளுமாறு அனைத்து கல்வி படிக்கும் மாணவர்களுக்கும், கல்வி சுமந்த அறிஞர் பெருமக்களுக்கும் நான் உபதேசிக்கின்றேன். கொள்கையில், வணக்க வழிபாடுகளில், அரசியலில், சமூகத்தில், பண்புகளில் இந்த உம்மத்தை அல்லாஹ்வின் வேதத்தின் பாலும், அல்லாஹ்வின் தூதருடைய ஸுன்னாஹ்வின் பாலும், ஸலஃபுஸ் ஸாலிஹீன்களின் வழிமுறையின் பாலும் மீட்டெடுக்க பெரும் முயற்சிகளை அவர்கள் மேற்கொள்ள வேண்டும்.

மன இச்சைகளை விட்டும், பயங்கரமான தீமைகள் இந்த உம்மத்திற்கு விளைவித்த பிரிவினை ஏற்படுத்தும் காரணிகளை விட்டும் அவர்கள் தங்களை தூரமாக்கிக் கொள்ள வேண்டும். இந்த உயரிய நோக்கங்களுக்காக எழுந்து பெரும் முயற்சி செய்வதற்கு இது சரியான நேரமாகும். இன்னும் எதுவெல்லாம் பலவீனத்திற்கும் இழிவிற்கும் இட்டுச் செல்லுமோ அவை அனைத்தையும் விட்டு முஸ்லிம்களை தூரமாக்க வேண்டும்.

இந்த உம்மத் ஆரம்பத்தில் எதைக் கொண்டு சீரடைந்ததோ அதைத் தவிர வேறு எதைக் கொண்டும் சீரடையாது என்பதை அனைவரும் புரிந்து கொள்ள வேண்டும். இந்த உம்மத் அனைத்து மக்களையும் விட உயர்வையும் சிறப்பையும் அடைந்ததன் காரணம் அவர்கள் நலவை ஏவி, தீமையை தடுத்து, அல்லாஹ்வின் மீது நம்பிக்கைக் கொண்டவர்களாக இருந்தனர்.

இஸ்லாமை ஏற்றுக் கொள்ள முதல் முந்திக் கொண்ட ஸஹாபாக்களும், அவர்களை நல்ல நோக்கத்தில் பின்பற்றியவர்களும் இந்த சிறப்பை அடைந்தார்கள்.

இதனை அல்லாஹ்வின் தூதர் சாட்சி பகிர்கிறார்கள்:

سَمِعْتُ عِمْرَانَ بْنَ حُصَيْنٍ ـ رضى الله عنهما ـ يَقُولُ قَالَ رَسُولُ اللَّهِ صلى الله عليه وسلم ‏"‏ خَيْرُ أُمَّتِي قَرْنِي ثُمَّ الَّذِينَ يَلُونَهُمْ ثُمَّ الَّذِينَ يَلُونَهُمْ ‏"‌‏.‏ قَالَ عِمْرَانُ فَلاَ أَدْرِي أَذَكَرَ بَعْدَ قَرْنِهِ قَرْنَيْنِ أَوْ ثَلاَثًا ‏"‏ ثُمَّ إِنَّ بَعْدَكُمْ قَوْمًا يَشْهَدُونَ وَلاَ يُسْتَشْهَدُونَ، وَيَخُونُونَ وَلاَ يُؤْتَمَنُونَ، وَيَنْذُرُونَ وَلاَ يَفُونَ، وَيَظْهَرُ فِيهِمُ السِّمَنُ ‏"

“மக்களிலேயே சிறந்தவர்கள் என்னுடைய காலத்தை சேர்ந்தவர்கள், அதற்கு பின்னால் (சிறந்தவர்கள்) அவர்களை பின்தொடர்ந்து வருபவர்கள், அதற்கு பின்னால் அவர்களை பின்தொடர்ந்து வருபவர்கள். அதற்கு பின்னால் மக்கள் வருவார்கள், அவர்கள் கேட்காமலே சாட்சியத்திற்கு முந்துவார்கள், அவர்கள் ஏமாற்றுவார்கள், அவர்களை நம்ப முடியாது, வாக்களிப்பார்கள் ஆனால் அதை நிறைவேற்ற மாட்டார்கள், உடல் பருமன் அவர்களுக்கு மத்தியில் தோன்றிவிடும்” (ஸஹீஹ் அல்-புகாரீ 3650)

மேலும் அல்லாஹ்வின் தூதர் கூறினார்கள்:

عَنْ مِرْدَاسٍ الأَسْلَمِيِّ، قَالَ قَالَ النَّبِيُّ صلى الله عليه وسلم ‏ "‏ يَذْهَبُ الصَّالِحُونَ الأَوَّلُ فَالأَوَّلُ، وَيَبْقَى حُفَالَةٌ كَحُفَالَةِ الشَّعِيرِ أَوِ التَّمْرِ، لاَ يُبَالِيهِمُ اللَّهُ بَالَةً ‏" - 6434

“நீதியான மக்கள் ஒவ்வொருவராக மரணித்துவிடுவார்கள் அதன் பின்னால் பார்லி அல்லது பேரீச்சம் பழத்தின் தோலைப் போன்று எதற்கும் பயனில்லாத மக்கள் மட்டுமே எஞ்சி இருப்பார்கள் அல்லாஹ் அவர்களை கண்டுகொள்ள மாட்டான்” (ஸஹீஹ் அல்-புகாரீ 6434)

எனவே, இந்த பயனற்ற, முக்கியமில்லாத இழிவான நிலையிலிருந்து அல்லாஹ் தான் நாடிய முஸ்லிம்களை காப்பாற்றுவதற்காக கல்வி சுமந்த அறிஞர்கள் அல்லாஹ்விற்காகவும், அவனுடைய வேதத்திற்காகவும், அவனுடைய தூதருக்காகவும், ஈமான் கொண்ட பொது முஸ்லிம்கள் மற்றும் உலமாக்களுக்காகவும் அறிவுரை செய்வது கடமையாகும்.

பல மக்கள் தங்களுடைய விஷயங்களுக்கு அல்லாஹ்வின் வேதத்தையும், அல்லாஹ்வின் தூதரிடத்தில் தீர்வுகளை தேடுவதையும் தவிர்ப்பதனால் தான் இந்த இழிவுகள் ஏற்படுகின்றது. இதனை உறுதியாகவும் உண்மையாகவும் விளக்கப்படுத்தினால் இந்த உம்மத்திற்கு அது மிகப் பெரிய நன்மையை பெற்றுத் தரும்.

அல்லாஹ் சுப்ஹானஹு வ தஆலா இதனை உணர்ந்து முஸ்லிம்களிடமிருந்து இழிவுகளை ஏற்படுத்தும் அனைத்து காரணிகளையும், அதாவது, பிரிவினை, பொறாமை, வெறுப்பு, மற்றும் பகைமை போன்ற அனைத்தையும் விட்டு விலக்க வேண்டு என்று கேட்டுக்கொள்கின்றோம். இந்த காரணிகளின் விளைவுகளை இந்த உம்மத்திற்கு உண்மையாக நன்மை நாடுபவர்கள் மட்டுமே கண்டறிகிறார்கள்.

இவண்

ரபீ இப்னு ஹாதி அல்-மத்களி

வியாழக்கிழமை இரவு, 25வது துல்-ஹிஜ்ஜா 1420ஹி அன்று ஷெய்க் அவர்கள் கூற அவர்களுடைய மாணவர் காலித் இப்னு தஹ்வி அத்-துஃபைரீ அவர்களால் எழுதப்பட்டது.

will of shaykh rabee ibn haadhi

அஷ்-ஷெய்க் ரபீ இப்னு ஹாதி அல்-மத்களி ரஹிமஹுல்லாஹ் அவர்கள் உம்மத்திற்கு அளித்த இறுதி உபதேசம்