ஜுமுஆ நாளின் கடமைகளும், ஸுன்னத்துகளும்

1. ஜுமுஆ நாளன்று குளிப்பது கடமையாகும்

عَنْ أَبِي سَعِيدٍ الْخُدْرِيِّ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ ‏ "‏ غُسْلُ يَوْمِ الْجُمُعَةِ وَاجِبٌ عَلَى كُلِّ مُحْتَلِمٍ ‏"

அபு ஸயீது அல்-குத்ரீ (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: “ஜுமுஆ நாளன்று குளிப்பது பருவ வயதை அடைந்த ஒவ்வொரு முஸ்லிமான ஆண் பெண் மீதும் கடமையாகும்”

ஸஹீஹ் அல்-புகாரீ 895

குறிப்பு: ஜுமுஆ நாளன்று ஒருவர் ஜனாபத்தான நிலையில் இல்லை என்றாலும் கடமையான குளிப்பு (குஸ்ல்) குளிப்பது கடமை. இதை ஸஹீஹ் அல்-புகாரியில் தாவூஸ் அறிவிக்கக்கூடிய இப்னு அப்பாஸுடைய ஹதீஸில் (884வது ஹதீஸில்) காணலாம்.

2. மிஸ்வாக் செய்வது மற்றும் நறுமணம் பூசுவது வலியுறுத்தப்பட்ட ஸுன்னாஹ்வாகும்

حَدَّثَنِي عَمْرُو بْنُ سُلَيْمٍ الأَنْصَارِيُّ، قَالَ أَشْهَدُ عَلَى أَبِي سَعِيدٍ قَالَ أَشْهَدُ عَلَى رَسُولِ اللَّهِ صلى الله عليه وسلم قَالَ ‏ "‏ الْغُسْلُ يَوْمَ الْجُمُعَةِ وَاجِبٌ عَلَى كُلِّ مُحْتَلِمٍ، وَأَنْ يَسْتَنَّ وَأَنْ يَمَسَّ طِيبًا إِنْ وَجَدَ ‏"

அபு ஸயீது அல்-குத்ரீ (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறியதாக நான் சாட்சி கூறுகின்றேன்: “ஜுமுஆ நாளன்று குளிப்பது பருவ வயதை அடைந்த ஒவ்வொரு முஸ்லிமான ஆண் பெண் மீதும் கடமையாகும். இன்னும் தன்னுடைய பற்களை மிஸ்வாக்கை கொண்டு சுத்தம் செய்வதும், தன்னிடம் இருக்கும் நறுமணத்தை பயன்படுத்துவதும் (சிறந்ததாகும்)”

ஸஹீஹ் அல்-புகாரீ 880

3. ஜுமுஆ தொழுகைக்கு நடந்து செல்வதன் நன்மைகள்

حَدَّثَنِي أَوْسُ بْنُ أَوْسٍ الثَّقَفِيُّ، سَمِعْتُ رَسُولَ اللَّهِ صلى الله عليه وسلم يَقُولُ ‏ "‏ مَنْ غَسَّلَ يَوْمَ الْجُمُعَةِ وَاغْتَسَلَ ثُمَّ بَكَّرَ وَابْتَكَرَ وَمَشَى وَلَمْ يَرْكَبْ وَدَنَا مِنَ الإِمَامِ فَاسْتَمَعَ وَلَمْ يَلْغُ كَانَ لَهُ بِكُلِّ خُطْوَةٍ عَمَلُ سَنَةٍ أَجْرُ صِيَامِهَا وَقِيَامِهَا ‏"

அவ்ஸ் இப்னு அவ்ஸ் அஸ்-ஸகஃபீ (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூற நான் கேட்டேன்: “யார் ஜுமுஆ நாளன்று தானும் குளித்து, தன் மனைவியையும் குளிக்க வைத்து, (தொழுகைக்காக) முன்நேரத்திலேயே கிளம்பி, வாகனத்தில் செல்லாமல் நடந்து சென்று, இமாமிற்கு நெருக்கமாக அமர்ந்து, கவனமாக (குத்பாவை) செவிமடுத்து, வீண் பேச்சுகளில் ஈடுபடாமல் இருப்பாரோ அவர் எட்டு வைக்கும் ஒவ்வொரு அடிக்கும் ஒரு வருடம் முழுக்க நோன்பு வைத்ததன் நன்மையும் இரவு முழுக்க நின்று வணங்கிய நன்மையும் கிடைக்கும்”

ஸுனன் அபூ தாவூது 345

4. மஸ்ஜிதில் அமர்ந்திருக்கும் இரு நபர்களை விலக்கக் கூடாது

عَنْ سَلْمَانَ الْفَارِسِيِّ، قَالَ قَالَ رَسُولُ اللَّهِ صلى الله عليه وسلم ‏ "‏ مَنِ اغْتَسَلَ يَوْمَ الْجُمُعَةِ، وَتَطَهَّرَ بِمَا اسْتَطَاعَ مِنْ طُهْرٍ، ثُمَّ ادَّهَنَ أَوْ مَسَّ مِنْ طِيبٍ، ثُمَّ رَاحَ فَلَمْ يُفَرِّقْ بَيْنَ اثْنَيْنِ، فَصَلَّى مَا كُتِبَ لَهُ، ثُمَّ إِذَا خَرَجَ الإِمَامُ أَنْصَتَ، غُفِرَ لَهُ مَا بَيْنَهُ وَبَيْنَ الْجُمُعَةِ الأُخْرَى ‏"

சல்மான் அல்-ஃபாரிஸி (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: “யார் ஜுமுஆ நாளன்று குளித்து, தன்னால் முடிந்த வரை தன்னை சுத்தம் செய்து, தலைக்கு எண்ணெய் தேய்த்து, தனக்கு நறுமணம் பூசி, பிறகு தொழுகைக்கு சென்று, (தொழுகைக்காக அமர்ந்திருக்கும்) இரு நபர்களை விலக்கி அவ்ரகளுக்கு மத்தியில் செல்லாமல், தனக்கு விதிக்கப்பட்ட அளவிற்கு (நஃபிலான) தொழுகைகளை தொழுது, இமாம் உரையாற்றும் பொழுது அமைதியாக இருப்பாரோ கடந்த ஜுமுஆவிலிருந்து நடக்கும் ஜுமுஆவிற்கு மத்தியிலுள்ள அனைத்து பாவங்களும் அவருக்கு மன்னிக்கப்படும்.”

ஸஹீஹ் அல்-புகாரீ 910

5. ஜுமுஆ உரையின் போது பேசுவது தடை

أَنَّ أَبَا هُرَيْرَةَ، أَخْبَرَهُ أَنَّ رَسُولَ اللَّهِ صلى الله عليه وسلم قَالَ ‏ "‏ إِذَا قُلْتَ لِصَاحِبِكَ يَوْمَ الْجُمُعَةِ أَنْصِتْ‏.‏ وَالإِمَامُ يَخْطُبُ فَقَدْ لَغَوْتَ ‏"

அபு ஹுரைரா (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: இமாம் குத்பா கொடுக்கும் போது உங்களுடைய தோழரிடம் அமைதியாக இருங்கள் என்று கூறினால் நிச்சயமாக நீங்கள் ஒரு தீய செயலை செய்து விட்டீர்கள்”

ஸஹீஹ் அல்-புகாரீ 934

6. ஜுமுஆ நாளன்று ஸூரத்துல் கஹ்ஃப் ஓதுவதன் நன்மைகள்

عَنْ أَبِي سَعِيدٍ الْخُدْرِيِّ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ مَنْ قَرَأَ سُورَةَ الْكَهْفِ فِي يَوْمِ الْجُمُعَةِ أَضَاءَ لَهُ مِنَ النُّورِ مَا بَيْنَ الْجُمُعَتَيْنِ

அபு ஸயீது அல்-குத்ரீ (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: “யார் ஜுமுஆ நாளன்று ஸூரத்துல் கஹ்ஃப் ஓதுவாரோ அவருக்காக நடக்கும் ஜுமுஆவிலிருந்து அடுத்த ஜுமுஆ வரையில் ஒரு ஒளி வீசப்படும்”

இமாம் அல்-பைஹகியின் அஸ்-ஸுனன் அல்-குப்ரா 5996

அஷ்-ஷெய்க் அல்-அல்பானி அவர்கள் இந்த ஹதீஸை ஸஹீஹ் என்று தன்னுடைய ஸஹீஹ் அல்-ஜாமிஃ என்ற நூலில் 6470வது ஹதீஸாக பதிவு செய்துள்ளார்கள்

7. ஜுமுஆ நாளன்று அதிகமாக அல்லாஹ்வின் தூதர் மீது ஸலவாத்து கூறுவதன் நன்மை

عن أنَسٍ قال: قال رسولُ اللَّهِ صَلَّى اللَّهُ عَلَيْهِ وَسَلَّمَ "أكثروا الصلاة علي يوم الجمعة وليلة الجمعة فمن صلى علي صلاة صلى الله عليه عشرا"

அனஸ் இப்னு மாலிக் (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: “ஜுமுஆ நாளன்றும் வியாழக்கிழமை இரவிலும் என் மீது அதிகமாக ஸலவாத்துகளை கூறுங்கள் ஏனென்றால் ஒருவர் என் மீது கூறும் ஸலவாத்திற்கு அல்லாஹ் அவருக்கு பத்து மடங்கு அருள்புரிகின்றான்”

இமாம் அல்-பைஹகியின் அஸ்-ஸுனன் அல்-குப்ரா 3/249

அஷ்-ஷெய்க் அல்-அல்பானி அவர்கள் இந்த ஹதீஸை ஸஹீஹ் என்று தன்னுடைய ஸஹீஹ் அல்-ஜாமிஃ என்ற நூலில் 1209வது ஹதீஸாக பதிவு செய்துள்ளார்கள்

குறிப்பு: அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் மீது ஸலவாத்து கூறும் வழிமுறையை கஅப் இப்னு உஜ்ரா () அவர்களின் ஹதீஸின் மூலம் அறியலாம். அதாவது: “அல்லாஹும்ம ஸல்லி அலா முஹம்மதின் வ அலா ஆலி முஹம்மதின் கமா ஸல்லைத்த அலா இப்ராஹீம வ அலா ஆலி இப்ராஹீம இன்னக ஹமீதுன் மஜீத்” (ஸஹீஹ் அல்-புகாரீ 3370)

8. ஜுமுஆ நாளன்று துஆ ஏற்றுக்கொள்ளப்படும் அந்த நேரம்

عَنْ جَابِرِ بْنِ عَبْدِ اللَّهِ، عَنْ رَسُولِ اللَّهِ صلى الله عليه وسلم أَنَّهُ قَالَ ‏"‏ يَوْمُ الْجُمُعَةِ ثِنْتَا عَشْرَةَ ‏"‏ ‏.‏ يُرِيدُ سَاعَةً ‏"‏ لاَ يُوجَدُ مُسْلِمٌ يَسْأَلُ اللَّهَ عَزَّ وَجَلَّ شَيْئًا إِلاَّ آتَاهُ اللَّهُ عَزَّ وَجَلَّ فَالْتَمِسُوهَا آخِرَ سَاعَةٍ بَعْدَ الْعَصْرِ ‏"

ஜாபிர் இப்னு அப்துல்லாஹ் (رَضِيَ اللَّهُ عَنْهُ) அவர்கள் அறிவிக்கிறார்கள்:

அல்லாஹ்வின் தூதர் (صَلَّى اللهُ عَلَيْهِ وَسَلَّمَ) அவர்கள் கூறினார்கள்: “ஜுமுஆ நாள் பன்னிரண்டு நேரங்களாகும் அதில் ஒரு நேரம் இருக்கின்றது எதில் ஒரு முஸ்லிம் அல்லாஹ்விடத்தில் ஏதேனும் கேட்டால் அவருக்கு அல்லாஹ் அதனை கொடுக்காமல் இருப்பதில்லை. எனவே அந்த நேரத்தை அஸ்ருடைய இறுதி பகுதியில் தேடவும்”

ஸுனன் அபூ தாவூது 1048

அஷ்-ஷெய்க் அல்-அல்பானி அவர்கள் இந்த ஹதீஸை ஸஹீஹ் என்று தன்னுடைய ஸஹீஹ் ஸுனன் அபூ தாவூது என்ற நூலில் 963வது ஹதீஸாக பதிவு செய்துள்ளார்கள்

குறிப்பு: ஜுமுஆ நாளில் துஆ ஏற்றுக்கொள்ளப்படும் நேரம் என்பது இமாம் மின்பரில் ஏறிய நேரத்திலிருந்து தொழுது முடிக்கும் வரையில் என்ற கருத்து ஸஹீஹ் முஸ்லிமில் அபு புர்தா இப்னு அபீ மூஸா அல்-அஷ்’அரி அவர்களின் ஹதீஸிற்கு தக்க இருக்கின்றது. ஆனால் மிகச் சரியான கருத்து என்னவெனில் அஸ்ருடைய இறுதி நேரம் என்பதாகும். இதனை அபு ஹுரைரா, அப்துல்லாஹ் இப்னு ஸலாம் போன்ற ஸஹாபாக்கள் அங்கீகரித்துள்ளார்கள். ஸுனன் அபு தாவூதின் 1406வது ஹதீஸில் அப்துல்லாஹ் இப்னு ஸலாமும் அபு ஹுரைரா ரழியல்லாஹு அன்ஹுமா ஆகிய இருவரும் அதனை ஏற்றுக்கொண்டுள்ளார்கள். மேலும் ஸுனன் இப்னு மாஜாவில் 1139வது ஹதீஸில் அப்துல்லாஹ் இப்னு ஸலாமிடம் அல்லாஹ்வின் தூதர் நேரடியாக அஸ்ருடைய இறுதி நேரம் என்று கூறியதை காண முடியும். இவ்விரண்டு ஹதீஸுமே ஸஹீஹ் என்று அஷ்-ஷெய்க் அல்-அல்பானி தீர்ப்பளித்துள்ளார்கள்.

salah

ஜுமுஆ நாளின் கடமைகளும், ஸுன்னத்துகளும்

Etiquettes of Jumuah

பஸ்மலாஹ்வை சப்தமாக தொழுகையில் ஓதாதீர்கள்

Do Not Recite Basmalah Loudly in Prayer